Charter Document - 02184439
| Charter Number: | 02184439 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Complaint |
| Date: | 1207 - 1210 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Reverendis in Christo fratribus et amicis karissimis J priori claustrali [] in ordine fratribus sacroque conventui Cluniacensi frater W dictus prior et totus conventus Nantuacensis debitam obedientiam cum omnimoda reverentia Noveritis quod dominus de Vilaribus super causa que vertitur inter nos et ipsum domum vestram et homines de Nantuaco in tali servitute vult ponere quod pro illa domus vestra omnino erit destructa Nos vero contra ipsum judicem in causa ista nec allegatum possemus invenire et concordie quam ipse dominus de Vilaribus per probos et religiosos viros nobis intimavit nullo modo sine vestro consilio volumus consentire super qua nisi Dominus manum consilii sui et vos apposueritis in magna tristitia sumus et angustia Quapropter communi consilio conventus Nantuacensis dilectum fratrem nostrum Stephanum latorem presentium vobis duximus transmittendum cujus omnibus verbis que vobis ex parte nostra dixerit credatis sanctitatem vestram humiliter implorantes quatinus respectu destructionis domus vestre super concordia quam lator presentium vobis plenarie intimabit quod melius vobis videbitur et utile vestrum consilium et commodum si placet vobis per litteras vestras nobis remandantes