Charter Document - 02184419
| Charter Number: | 02184419 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1205 |
| Date type: | Internal, Calendar, Papal |
| Resource Link(s): |
CCE: cartae cluniacenses electronicae |
Charter:
Innocentius Episcopus servus servorum Dei dilecto filio Abbati Cluniacensi salutem et Apostolicam benedictionem Solet annuere Sedes Apostolica piis votis et honestis petentium precibus favorem benevolum impertiri Ea propter dilecte in Domino fili tuis justis postulationibus inclinati ad exemplar felicis recordationis Celestini Pape predecessoris nostri ut in Abbatiis ad Cluniacense Monasterium pertinentibus liceat tibi que secundum Deum et beati Benedicti regulam et statuta ordinis videris corrigenda corrigere et ibidem statuere statuenda liberam tibi contradictione et appellatione cessantibus auctoritate presentium concedimus facultatem Sententiam quoque quam in contumaces et rebelles duxeris canonice promulgandam ratam habentes et firmam ipsam faciemus auctore Domino inviolabiliter observari Nulli ergo omnino hominum liceat hanc paginam nostre concessionis infringere vel ei ausu temerario contraire Si quis autem hoc attentare presumpserit indignationem omnipotentis Dei et beatorum Petri et Pauli ejus se noverit incursurum Datum Rome apud S Petrum IV Kalendas Februarii Pontificatus nostri anno VII