Charter Document - 02184412

Innocentius Episcopus servus servorum Dei dilecto filio Aconi Priori Ecclesie Lehunensis ejusque fratribus tam presentibus quam futuris regularem vitam professis in perpetuum Quoties a nobis petitur quod religioni et honestati convenire dignoscitur animo nos decet libenti concedere et petentium desideriis congruum suffragium impertiri Ea propter dilecti in Domino filii vestris justis postulationibus clementer annuimus et prefatum Lehunense Monasterium in quo divino mancipati estis obsequio sub beati Petri et nostra protectione suscipimus et presentis scripti privilegio communimus In primis siquidem statuentes ut ordo Monasticus qui secundum Deum et beati Benedicti Regulam in eodem Monasterio institus esse dignoscitur esse perpetuis ibidem temporibus inviolabiliter observerur Preterea quascumque possessiones quecumque bona idem Monasterium in presentiarum juste et canonice possidet aut in futurum concessione Pontificum largitione Regum vel Principum oblatione fidelium seu aliis justis modis prestante Domino poterit adipisci firma vobis vestrisque successoribus et illibata permaneant in quibus hec propriis duximus exprimenda vocabulis In Episcopatu Ambianensi predictam Ecclesiam Lehunensem et omnia seu Ville seu Ecclesie pertinentia Prioratum S Thaurini Prioratum S Marie de Davenescourt Prioratum S Ausberti de Bona Prioratum S Martini de Mericourt Prioratum S Laurentii de Nemore Prioratum sancti Nicolai de Regniaco cum omnibus appendiciis Ecclesiam S Medardi de Lehuno Ecclesiam de Fachocourt Ecclesiam de Kebleville Ecclesiam de Proast Ecclesiam de Chiuriol Ecclesiam de Chaugest Ecclesiam de Fuchescourt Ecclesiam de Halu Ecclesiam de Roseriis Ecclesiam de Harboneriis Ecclesiam de Sauliaco Ecclesiam de Vaudicourt Ecclesiam de Rimberpre cum terris et rebus ad eas pertinentibus In Episcopatu Noviomensi Ecclesiam de Vermendesviller Ecclesiam de Maricourt cum omnibus pertinentiis In Episcopatu Belvacensi Ecclesiam de Hurviler In Episcopatu Suessionensi Prioratum S Petri de Bretigniaco Prioratum S Martini de Cherisiaco cum omnibus pertinentiis vobis nihilominus confirmamus Sane novalium vestrorum que propriis manibus aut sumptibus colitis sive de nutrimentis animalium vestrorum nullus a vobis decimas exigere vel extorquere presumat Concedimus etiam vobis laicos seu clericos seculares nisi qui pro certis criminibus excommunicati sunt ad conversionem seu sepulturam per loca vestra suscipere Clericos quoque regulares qui vel in locis suis salvari non possunt vel pro necessitatibus ad vestram Ecclesiam confugiunt suscipiendi et ad vestrum propositum admittendi religioni vestre licentiam impertimur Auctoritate insuper Apostolica firmiter inhibemus ut nulla omnino persona preter Romanum Pontificem et Legatum qui ad hoc missus fuerit vos excommunicet aut interdicat Si qua igitur in futurum Ecclesiastica secularisve persona hanc nostre constitutionis paginam sciens contra eam temere venire tentaverit secundo tertiove commonita si non satisfactione congrua emendaverit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo Corpore ac Sanguine Dei et Domini Redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco sua jura servantibus sit pax Domini nostri Jesu Christi quatinus et hic fructum bone actionis percipiant et apud districtum Judicem premia eterne pacis inveniant Amen Amen Amen Ego Innocentius Catholice Ecclesie Episcopus Ego Octavianus Hostiensis et Veletrensis Episcop Ego Petrus Portuensis et S Rufine Episcopus Ego Joannes Albanensis Episcopus Ego Gerardus tit S Cecilie Presbyter Cardinalis Ego Jordanus []tit Pastoris Presbyter Cardinalis Ego Guido Presbyter Cardin S Marie trans Tiberim tit Calixti Ego Gerardus S Adriani Diaconus Cardinalis Ego Gregorius S Marie in Porticu Diac Cardinalis Ego Petrus S Marie in via lata Diac Cardinalis Ego Henricus S Lucie in Orthea Diaconus Card Datum Laterani per manum Rainaldi Acheruntini Archiepiscopi Cancellarii vicem agentis XV Kalendas Julii Incarnationis Dominice anno MCCIV Pontificatus vero Domni Innocentii Pape III anno VII