Charter Document - 02184407
| Charter Number: | 02184407 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1202 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
In nomine sancte et individue Trinitatis Ego Albertus dominus de Turre notum facio universis presentes litteras inspecturis me anno ab incarnatione Domini MCC secundo in manu domni abbatis Cluniacensis quondam abbatis Radingensis dedisse domui Inimontis pro omnibus injuriis ecclesie illi et aliis menbris ecclesie Cluniacensi[s] illatis possessionem illam apud Neyriacum quam tuleram in partem meam a Bernardo de La Cra integre et sine aliqua retentatione in perpetuum possidendam libere et quiete excepto dominio pascuorum Et similiter dedi eidem domui apud Sarrarias locum fullonum et aquam fullonibus necessariam similiter et campum sub illa via que ducit ab ecclesia ad rivum quantum juris illic habebam Et pro damnis a me illatis hominibus Inimontis dedi eisdem hominibus et ecclesie ut in villa mea de Luys ab omni leida quantum ad me in perpetuum sint immunes hac conditione ut ipsi remitterent mihi omnem injuriam et rancorem Recognovi etiam in prenominati abbatis et Stephani prioris Portarum et aliorum plurimorum presentia me in domo [et] villa et rebus Inimontis nullam gardam dominium aut consuetudinem debere habere hoc tamen retento quod recognitio ista non possit mihi nocere in posterum si possem probare legitimis scriptis me aliquid ibi debere habere dominii vel usagii Hoc autem totum in perpetuum bona fide servaturum per me et per meos et quod nullam deinceps ecclesie Inimontis facerem injuriam tactis sacrosanctis evangeliis promisi et juravi tali conditione quod ego non tenerer sub hac donatione vel juramento si domus Inimontis aliquod dominium vel gardam tribueret alicui persone super se nobili vel potenti ne forte super hoc posset mihi damnum aliquod evenire Super hac autem pactione fideliter conservanda constitui dominos Lugdunensem et Viennensem archiepiscopos et eorum capitula fide jussores super justitia contra me [et terra mea] facienda si a prescriptis pactionibus resilirem Hec autem [omnia] suprascripta juravit Albertus filius meus se bona fide in perpetuum servaturum Super hac autem donatione recognitione et juramento meo testes sunt [Stephanus prior Portarum Haymo W Freschez Reimundus conversi Portarum] Nantelmus prior [Danmine Petrus socius ejus Symon Masche chamberlengus Petrus de Charlan Girardus notarius Renaldus Bouche monachi Cluniacenses Ysaac Inimontis Johannes Inimontis Walterus de Walbochia capellani] Bozo de Briod Guido de Morestel Jocerannus de Langes [Girardus Masche Bartholomeus Boilez Rostennus de Puisimi Bernardus de Marrier Petrus Blans Walterus Blans Vincentius Bocia Berlo Flamencus Durannus Anglicus Christoforus Paschalis et Girardus conversi Inimontis] super horum omnium confessione et juramento facto a filio meo similiter testes sunt