Charter Document - 02184392
| Charter Number: | 02184392 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Letter |
| Date: | 1200 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Reverentissimo patri et domino Dei gratia domino abbati frater H supprior et conventus humilis Sancti Pancratii salutem et obedientiam debitam et devotam Ad pedes paternitatis vestre humiles ac proni provoluti lacrymis obortis exitum patris et prioris nostri H pie memorie dolentes referimus totis viribus ac precibus supplicibus postulantes quatinus idoneum nobis pastorem providere velitis utilem in temporalibus pium et discretum in spiritualibus utpote qui domum Lewensem mores et consuetudines patrias melius novistis negotium jam dictum secundum Deum taliter promoventes si placet ut ab eodem dignam recipere valeatis remunerationem Ad hoc autem perficiendum dilectos fratres nostros Johannem et Augustinum vobis duximus dirigendos Valeat paternitas vestra in Domino