Charter Document - 02184377
| Charter Number: | 02184377 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1199 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Ego Guillermus Viennensis et Masticonensis comes palatinus notum facio omnibus has presentes litteras inspecturis me ad petitionem domini Hugonis abbatis Cluniacensis et sacri conventus eis indulsisse si quid querimonie adversus eandem ecclesiam habebam et si homines mei de la Bazola eos in causam traxerint quatuor legitimi homines eligentur a me duo ab abbate duo quorum arbitrio stabunt utrinque judicio vel concordia mediante Si in hominibus meis hoc defecerit ego eos pro amicis non habebo nec in terra mea eos receptabo sed bona fide Cluniacensem ecclesiam contra eos juvabo Hoc ipsum dictum est de Regnaldo Dalmacii [] hominibus meis De hiis qui homines mei non sunt si quis justitiam noluerit accipere ad cognitionem illorum quatuor electorum et Cluniacensem ecclesiam infestare presumpserit extunc prefatum monasterium contra malefactorem illum juvabo nec eum in terra mea receptabo Insuper in capitulo Cluniacensi pro Dei amore et salute anime mee et antecessorum meorum juravi me pacem pro posse meo provisurum eidem ecclesie et premissa observaturum Actum anno incarnati Verbi MC nonagesimo nono