Charter Document - 02184376
| Charter Number: | 02184376 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1198 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
R[ainaldus] Dei gratia prime Lugdunensis ecclesie minister humilis Stephanus ejusdem ecclesie decanus et J[ocerannus] dictus abbas Insule Barbare carissimis in Christo Rumiliaci Engiaci Giniaci Moies Taluise Amaisiaci Viriaci parvi Chavornay Paisins Romaniaci Breno Arberjamento Corcelles Chandouro Chantre Serreires Darlo Doche Ville Biliaci Chasnas Chismiaci Treelay et Tyes capellanis universis salutem in Domino Universitati vestre presentium auctoritate volumus innotescat quod cum inter dominum Nant[elmum] Gebennensem episcopum ex parte una et Cluniacenses monachos ex parte alia de presentatione et electione capellanorum in ecclesiis quarum curam geritis olim gravis questio emersisset nunc de mandato summi pontificis causa ipsa experientie nostre commissa post auditas hinc inde rationes electionem et presentationem capellanorum antedictis monachis adjudicavimus et in ecclesiis in quibus nunc vices geritis capellanorum eligendi et presentandi plenam eis contulimus potestatem Ea propter in Christo carissimi universitati vestre auctoritate apostolica cujus vices gerimus in hac parte precipiendo mandamus quatinus in ecclesiis vestris a Nantuacensi de Paterniaco de Sancto Victore et de Condamina monasteriis presentationem vestram et electionem et temporalia que in ecclesiis capellanie nomine possidetis humiliter de cetero recognoscatis et inde tanquam ab eis a quibus temporalia ipsa percipitis fideles esse studeatis peromnia et devoti