Charter Document - 02184371

Reverendis fratribus et amicis Hugoni venerabili abbati et sacro conventui Cluniacensi Hugo Dei gratia Leucorum episcopus salutem in Domino Monastice severitas discipline que divina opitulante clementia in cenobio vestro splendide vigere dignoscitur nos invitat ut petitionibus vestris que a rationis tramite non discordant facilem prebeamus assensum Ea propter dilecti in Domino fratres vestris precibus inclinati ecclesias possessiones et decimas quas in nostra habetis diocesi auctoritate vobis presentium confirmamus ecclesiam videlicet de Monsterolio cum decimis libertatibus et immunitatibus suis quam vobis pia devotione dederunt Jeraldus vocatus ad Barbam Galterius de Novis Casis frater ejus et Arnulphus filius ejusdem Jeraldi ad quam cum vacare contigerit liceat priori et fratribus Thiecurth nobis et successoribus nostris qui pro tempore fuerint presentare presbyterum qui a nobis animarum cura percepta vobis de temporalibus et nobis de spiritualibus respondeat sicut vidimus in vestris privilegiis contineri Et quidem jus presentandi quod prefati donatores in prefata ecclesia habuerunt vobis concedimus et confirmamus Insuper confirmamus vobis ecclesiam de Secbecth quam Arnulphus filius Jeraldi vobis dedit et ecclesiam de Renivilla quam dictus Galterus vobis dedit Harum sane ecclesiarum cimiteria libera esse decrevimus statuentes ut infra fines parrochiarum ipsarum nulli liceat de novo ecclesiam vel oratorium edificare absque vestro consensu Nulli ergo omnino hominum liceat hanc paginam nostre confirmationis et concessionis infringere vel ei ausu temerario contraire Si quis autem hoc attentare presumpserit anathema maranatha Signum Frederici decani et archidiaconi qui sigilli quoque sui appositione presenti confirmationi se favorem prebuisse declarat Testis est magister Hugo Fulco prepositus de Balno Udo de Berga Datum per manum Galterii cancellarii nostri anno incarnationis Verbi MCXCVII VIII kal junii