Charter Document - 02184364
| Charter Number: | 02184364 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Manumission |
| Date: | 1193 |
| Date type: | Internal |
| Resource Link(s): |
CCE: cartae cluniacenses electronicae |
Charter:
Gloriam hominis [] Ego Petrus comes Nivernensis dominus Curtiniaci notum fieri volo universis tam presentibus quam futuris ad quorum notitiam presentes littere pervenerint quod pro remedio animarum carissimi patris mei et matris mee et mee universos homines ecclesie Beati Petri de Curtiniaco in potestate Curtiniaci et Chantecoc et Pifontis constitutos ab omni corveia et chareia hos quitavi et immunes in perpetuum esse concessi presertim divine pietatis intuitu ecclesie et monachis ibi Deo servientibus concessi quod quotiens prepositos meos Curtiniaci et Chantecoc et Pifontis a me mutari contigerit sive a successoribus meis subsequentes prepositi et servientes alii priori ecclesie Beati Petri Curtiniacensis jurabunt quod homines jam dicte ecclesie propter occasionem injustam in causam trahere sive vexare non presument nec in res ad dictam ecclesiam spectantes absque juris prohibitione violentam manum dehinceps non apponent et omnia supradicta firmiter observabunt Si vero supradicti prepositi aut servientes de hominibus ejusdem ecclesie jus habere voluerint dictus prior vel mandatum ejus de ipsis hominibus in curia sua jus eidem exibebit Hoc autem de mandato meo Petrus Pencerius tunc prepositus Curtiniaci et Gaufridus tunc prepositus Pyfontis dicto priori juraverunt quod ut ratum in posterum presentem paginam eidem priori tradidi sigillo meo roboratam Hoc laudavit Yolandis comitissa Nivernensis domina Curtiniaci uxor mea Actum Senonis anno MCXCII