Charter Document - 02184359
| Charter Number: | 02184359 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1192 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Ego Galterus Dei gratia Eduensis episcopus tam futurorum quam presentium memorie dignum duximus committendum quod M[athildis] nobilis Tornodorensis comitissa ecclesie Beati Petri Cluniacensis donavit et concessit perpetuo possidendam quartam partem ville que dicitur Hiz pro anniversario suo annuatim recolendo Ad cujus petitionem hanc suam donationem presenti scripto annotavimus et sigillo nostro communivimus sub anathemate interdicentes ne quis ausu temerario hujus elemosine donationem audeat violare Actum anno incarnati Verbi MC nonagesimo primo mense martii