Charter Document - 02184316

Clemens episcopus servus servorum Dei dilectis filiis Simoni priori monasterii Sancti Dionysii de Nogento ejusdemque fratribus tam presentibus quam futuris regularem vitam professis in perpetuum Religiosis desideriis dignum est facilem prebere consensum ut fidelium devotio celerem sortiatur effectum et tanto libentius sacre religionis observantie et aliis bonis operibus insistat quando senserit ab apostolica sede in pio et beato proposito benigne confoveri Ea propter dilecti in Domino filii vestris justis postulationibus gratum impertientes assensum prefatum monasterium Sancti Dionysii de Nogento in quo Dominico mancipati estis obsequio ad exemplar felicis memorie predecessoris nostri Alexandri pape sub beati Petri et nostra protectione suscipimus et presentis scripti privilegio communimus statuentes ut quecunque bona idem cenobium impresentiarum juste et canonice possidet aut in futurum concessione pontificum largitione regum vel principum oblatione fidelium seu aliis modis prestante Domino poterit adipisci firma vobis vestrisque successoribus et illibata permaneant in quibus hec propriis duximus exprimenda vocabulis Ecclesiam Beati Hilarii de Nogento cum capellaniis et appenditiis suis burgum S Dionysii liberum et absolutum ab omni jurisdictione et exactione alicujus furnos piscariam in eadem villa molendina nemus de Croisillis et calefactiones de nemoribus comitis et reparationes ad domos proprias ruricolas circa aquam Edulie et ultra aquam cum propriis meteriis decimam telonei ejusdem castri in his omnibus burgensibus videlicet et rusticis totum dominium preter duellum ecclesiam Sancte Marie de Margon duos modios apud Arcias ecclesiam de Petra Fixa ecclesiam Sancti Martini de Brunellis ecclesiam de Campo Rotundo capellam Sancte Marie Magdelcne de Perraria ecclesiam de Cidroerillo ecclesiam Sancti Andree de Fretiniaco ecclesiam Sancti Albini de alio Campo Rotundo ecclesiam Sancti Petri de Harponvillario cum appenditiis suis ecclesiam Sancti Hilarii de Bellonvilla ecclesiam Sancte Anastasie de Nonvillario ecclesiam Sancti Martini de Universio cum appenditiis suis capellam de Oroneo ecclesiam de Flacciaco cum appenditiis suis domum in Carnotensi urbe et omnia que ibidem rationabiliter possidetis rusticos apud Roemvillam et quecunque alia in Carnotensi parochia canonice possidetis ecclesiam Sancti Petri de Bosvillette cum appenditiis suis que in eadem parochia sita est ecclesiam Sancti Petri de Cetone cum burgo et molendinis et furno et rusticis et appenditiis suis ecclesiam Sancti Vulphacii cum appenditiis suis et quecunque in Cenomanica parochia possidetis ecclesiam Sancti Martini de Berzelis ecclesiam Sancti Petri de Brueria ecclesiam Sancti Andoenis de Verreriis ecclesiam Sancti Martini de Beloup cum appendiciis suis ecclesiam de Gimagiis ecclesiam Sancte Marie de Bure ecclesiam de Fadentivilla prope Mauritaniam cum quadam parte decime decimam de Burethe ecclesiam Sancti Petri et Sancti Joannis de Mannis cum Agripenno prato decimas apud Cerbon ecclesiam de Comblou decimas apud Corgon ecclesiam Sancti Martini de Loisel ecclesiam Sancti Presceti ecclesiam Sancti Gervasii de Fannis ecclesiam Sancti Germani de Loscio cum capellanis et appenditiis suis ecclesia scilicet Beate Marie et ecclesiam Beati Menti et ecclesiam Sancti Joannis que sunt posite in Mauritani Castro Decimam telonei de Mauritania cum furno decimam pasnagii de Resnou et de eodem nemore calefactiones et reparationes domorum monachorum de Loscio quidquid juris habetis in ecclesia Sancti Hilarii juxta Sanctam Ceronam decimam de Fesvallo decimam apud Ortum robur decimam apud Lineroles decimam de Corbeon et quidquid juris habetis in parochia Sagiensi in cemeteriis primitiis Burgensibus molendinis in agris pratis sive aliis possessionibus vobis auctoritate sedis apostolice confirmamus Liceat etiam vobis in ecclesiis vestris presbyteros eligere et dioecesano episcopo presentare qui si idonei fuerint ab ipso gratis et absque pravitate aliqua curam animarum suscipiant eique de plebis cura rationem reddant vobis autem pro rebus temporalibus debitam subjectionem exhibeant Adjicientes insuper auctoritate apostolica prohibemus ut nulli archiepiscopo vel episcopo liceat in predictum monasterium vel in vos interdicti vel excommunicationis sententiam promulgare aliquasque consuetudines ibi exigere seu alicujus gravaminis causa manum apponere vel missas publicas seu stationes sine assensu vestro celebrare quatenus ab omni servitii secularis infestatione securi omni gravamine mundane oppressionis remoti in sancte religionis observatione seduli ac quieti Domino annuente permaneatis Si vero in atrio vestro vel in sanguinis effusione vel in verborum illatione sive in aliquo hujusmodi violentiam contigerit irrogari forte nequaquam propter hoc a divinis ecclesia prohibeatur officiis Libertates siquidem et immunitates nec non antiquas et rationabiles consuetudines vestro monasterio concessas et hactenus observatas ratas habemus easque futuris temporibus illibatas manere sancimus Chrisma vero oleum sanctum consecrationes altarium seu basilicarum ordinationes clericorum qui ad sacros ordines fuerint promovendi et cetera ecclesiastica sacramenta a dioecesano suscipiatis episcopo siquidem Catholicus fuerit et gratiam et communionem apostolice sedis habuerit et ea gratis et absque pravitate aliqua vobis voluerit exhibere alioquin vobis liceat quemcunque malueritis adire antistitem Catholicum qui nimirum nostra fultus auctoritate quod postulatur indulgeat Sepulturam preterea ipsius loci liberam esse decernimus ut eorum devotioni et extreme voluntati qui se illic sepeliri deliberaverint nisi forte excommunicati sint nullus obsistat salva tamen justitia illarum ecclesiarum a quibus corpora mortuorum assumuntur Ecclesiarum vestrarum decimas que a laicis obtinentur si secundum Dominum eorum potestati subtrahere vestre religionis reverentia poterit ad vestram et pauperum gubernationem vobis liceat possidere Precipimus etiam ut omnes ecclesie seu capelle vestre et cemeteria sint omnis exactionis immunia preter consuetam episcopi paratam et justitiam in presbyteros si adversus sui ordinis offenderint dignitatem Prohibemus etiam ut infra fines parochiarum vestrarum nullus ecclesiam vel oratorium sine assensu vestro edificare presumat salvis tantum privilegiis Romanorum pontificum Sancimus insuper ut donationes et alienationes que de possessionibus capituli vestri et locorum vestrorum absque consensu ipsius capituli vel majoris partis et sanioris a quadraginta annis infra illicite facte sunt legitime revocentur et ne de cetero taliter fiant auctoritate apostolica prohibemus Confirmamus etiam ne cellarum vestrarum ubilibet positarum fratres pro qualibet interdictione vel excommunicatione divinorum officiorum suspensionem patiantur sed tam monachi ipsi et famuli eorum et qui se monastice devotioni devoverunt clausis ecclesiarum januis [] non admissis divine servitutis officia celebrent et sepulture debita peragant Concedimus etiam vobis laicos seu clericos seculares liberos et absolutos nisi pro certis criminibus excommunicati sint ad conversionem seu sepulturam per loca vestra suscipere Pro altaribus quoque et ecclesiis vestris nulli episcoporum facultas sit gravamen aliquod vobis aut molestias irrogare sed quidquid juris in eis habuistis canonice in futurum habeatis Inhibemus etiam ne terras seu possessiones alias et thesauros ecclesiarum vestrarum liceat alicui vendere seu alio modo alienare vel loco pignoris obligare vel alicui fratrum vestrorum fidejubere absque consensu capituli vestri aut majoris et sanioris partis quod si factum fuerit decernimus irritandum Paci quoque et tranquillitati vestre paterna imposterum sollicitudine providere volentes auctoritate apostolica prohibemus ut infra clausuras locorum seu grangiarum vestrarum seu cemeteriorum ambitum nullus violentiam seu furtum committere vel seri legium ignem apponere hominem capere vel interficere aut quamlibet personam ausu temerario ledere audeat Decernimus ergo ut nulli omnino hominum fas sit prefatum monasterium et loca ei subdita temere perturbare aut eorum possessiones auferre aut ablata temere retinere minuere seu quibuslibet vexationibus fatigare sed omnia integre conserventur eorum pro quorum gubernatione ac sustentatione concessa sunt usibus omnimodis profutura salva sedis apostolice auctoritate et Cluniacensis monasterii ad quod spiritualiter spectat debita reverentia Si qua igitur in futurum ecclesiastica secularisve persona hanc nostre constitutionis paginam sciens contra eam temere venire tentaverit []