Charter Document - 02184314
| Charter Number: | 02184314 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1187 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Quoniam humana natura labilis est et res geste facile traduntur oblivioni nisi fuerint scripti veritate firmate idcirco decrevit sollertia prudentum ut donationes et pacta sive contractus ad malum oblivionis fugiendum litterarum fidei commendentur Inde est quod ego Hugo dominus Vergiaci notum facio presentibus et futuris quod ob remedium anime mee parentumque meorum et propter gravamen quod homines mei fecerunt in villa de Givriaco quam occasione guerre ducis combuxerunt dono Deo et beatis apostolis Petro et Paulo Cluniacensi ecclesie homines quos in eadem villa meos dicebam esse servos verum esset aut non quicquid juris in eum habebam et ut occasio malignandi a me et a meis tolleretur Concedo scilicet filios et filias Ricardi decani et Balduini et quicquid ex eis processerit Sic cepi ac cepi librum et obtuli eos per librum predictis apostolis Petro et Paulo super altare beati Dionysii et prior ejusdem domus et Belne nomine Guillermus accepit eos per librum Deinde accepi Theobaldum Dimidium decanum per manum et fratres ejus Hugonem et Andream pro aliis omnibus et de manu mea misi in manum prioris predicti per quem totum hoc factum fuit ut quite libere ac perenniter jure hereditario possideret et haberet ecclesia fecique eos jurare super altare et reliquias beati Dionysii et sancti Vincentii fidelitatem ecclesie et ne alium dominum facerent vel nominare presumerent contra ecclesiam seque et suos omnes servos esse ecclesie nunquam negarent Si sacramentum [quod absit] non tenerent forefactores corporum et pecuniarum essent ecclesie et quicquid de ea tenerent perderent Et ego Hugo super predictas reliquias et altare ne aliquid ultra requirerem in eis bona fide bona intentione promisi juravi et si aliquis eorum contra sacramentum se alienare ab ecclesia vellet pro posse meo adjuvarem dictam ecclesiam ut recuperare posset Facta est carta anno ab incarnatione Domini MCLXXX septimo regnante Philippo rege Francie Hugone duce Burgundie T Eduensi episcopo Et ut carta hec firma et rata sit omni tempore feci eam muniri sigillo capituli Sancti Dionysii et sigillo meo Testes hujus rei sunt dominus Hugo et uxor ejus domina Gilia et Symon frater ejus Petrus de Nui canonicus Petrus de Isuirez Hugo Robertus miles et Aimo Turgifer Bernardus de Beona et Roba Robertus et frater ejus Petrus Bonomet Guillermus prior Ancelmus et Leibaudus monachi Benignus sutor Guirardus filius Andree Lunarisse et filius ejus Robertus Bertot Magnus Jacelmus filius Roberti Morellus Galterus Trucaut Guibergus Ego Eduensis episcopus Stephanus hanc donationem vel guerpitionem quam venerabilis Hugo Cluniacensi ecclesie amore Dei fecit confirmo sigilloque meo munio Et quicumque contra hoc factum ire presumpserit anathema sit