Charter Document - 02184313
| Charter Number: | 02184313 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1187 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Quoniam propter vite presentis brevitatem et succedentium varietatem facile labitur a memoria quod a mortalibus geritur nisi litteris fuerit annotatum eapropter in Dei nomine ego Hugo dux Burgundie notum facio presentibus et futuris quod pro salute mea et meorum et pro animabus parentum et antecessorum meorum et pro anima domini Guirardi de Reon in emendationem damnorum que intulit ecclesie Cluniacensi dedi et hac mea carta confirmavi Deo et beatis apostolis Petro et Paulo et ecclesie Cluniacensi consensu et voluntate filiorum meorum Odonis et Alexandri totam partem meam in venditionibus de Castellione integre et plenarie cum omnibus pertinenciis suis absque ulla exceptione sicut dominus Lingonensis episcopus alteram partem unquam plenius vel liberius habuit cum libertatibus et consuetudinibus suis sive venditiones infra burgum sive extra fiant Et hoc donum garantizabimus memorate ecclesie Cluniacensi ego et heredes mei Porro domnus abbas H[ugo] et conventus concesserunt mihi missam unam cotidianam et continuam pro anima domini Girardi de Rion preter anniversarium ejus ideo quod medietatem suprascripti redditus pro eo dedi et alteram medietatem pro me ipso Testes sunt Artaudus sacrista Cluniacensis quem de memorata donatione presentem investivi Petrus de Pousiol Berardus de Bosco Robertus Billo monachi et de laicis Simon de Brecon Girardus prepositus de Castellione Petrus major Radulfus aurifaber et alii multi Actum anno ab incarnatione Domini MCLXXXVII