Charter Document - 02184295

Urbanus episcopus servus servorum Dei dilectis filiis Joanni priori de Consiaco ejusque fratribus tam presentibus quam futuris regularem vitam professis in perpetuum Quoties a nobis petitur quod honestati et religioni convenire dignoscitur animo nos decet libenti concedere et petentium desideriis congruum suffragium impertiri Ea propter dilecti in Domino filii vestris justis postulationibus clementer annuimus et ecclesiam S Petri de Consiaco in qua divino mancipati estis obsequio sub beati Petri et nostra protectione suscipimus et presentis scripti privilegio communimus In primis siquidem statuentes ut ordo monasticus qui secundum Deum et beati Benedicti Regulam in eodem loco institutus esse dignoscitur perpetuis ibidem temporibus inviolabiliter observetur Propterea quascunque possessiones quecunque bona eadem ecclesia impresentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis prestante Domino poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis Locum ipsum in quo prefata ecclesia sita est cum omnibus pertinentiis suis Altare de vico Duroman Altare de curte Roberti Altare de Gentovillari Altare de Sarmasia Altare de Besona Quatuor altaria que vobis dedit bone memorie Hugo Suessionensis episcopus scilicet de Saponiaco de Runcheriis de Berniaco de Espargo Et quatuor altaria que vobis dedit Lisiardus bone memorie Suessionensis episcopus scilicet de Cresenci de Condez de Vulcenis de Calte Ecclesiam S Petri de Calte cum pertinentiis suis Minutam decimam de parochia S Leodegarii Suessionensis Ecclesiam de Bruilio cum appendiciis suis Ecclesiam S Marie de Fonce cum appendiciis suis et homines ad altare ejusdem ecclesie pertinentes ubicunque sint Altare Despalx Altare de Ascerpiniaco cum appendiciis suis et omni decima de qua sacerdos eisdem altaribus deserviens habet in unoquoque anno duos modios hiemalis annone et unum modium avene Decimam de Luy magnam et minutam Decimam de Sancto Remigio de Ivery et quidquid habuerunt Joannes de Brumes et Hugo cognomento Punarque in altari et decima de Uveseli Decimam de Maisiaco Altare de Raoulcourt Altare de Carcobio Decimam de Armenteria et de Cursabro In decima de Cugny unum modium hiemalis annone de eleemosyna Hugonis de Magny Dimidium modium frumenti de Terragiis de Ton de eleemosyna Joannis Christion Unum modium hiemalis annone apud Asunliz de eleemosyna Guidonis de Conce Quidquid Joannes de Ulcheio cognomento Vicecomes possidebat in terragiis de Ulanzi et nemore Decimam de Sarmasia et de Ciriaco magnam et minutam Omnem magnam de partibus decimam et tertiam partem minute decime Decimam de Berciaco Sancti Basoli Decimam de Bernerda et omnem tractum Decimam de Grisoltis et de Raoulcourt Unum modium frumenti in decima de Aucensvilla de eleemosyna Lisiardi Teuvagia de Lasteli et omnem censum de omnibus masuris que sunt in atrio et quod habetis in altari de Duro magno omni die tres partes oblationum omnium quarta autem sacerdotis est cum oblatione nummi et candele die Dominica pro pane benedicto et cum oblatione nubentium post misse celebrationem cum oblationibus etiam et benedictione peregrinantium et quidquid mulier purificanda manu sua obtulerit De minutis decimis vino scilicet fabiis pisis lana lino feno pecudibus et volatilibus vos tres partes presbyter autem quartam de magna vero decima vos septem partes et omnem tractum habetis presbyter vero octavam exceptis decimis Caltararum comitis de quibus sacerdos nihil accipit tres partes omnium candelarum que per totum annum offeruntur excepta illa Dominicali candela que sacerdotis est Si vero incensum vel candela in ecclesia deficiunt seu defecerint de communi oblatione comparabuntur Quidquid etiam Petrus de Noroy apud Vismolin possidebat et modium unum vini apud Palie viginti solidos ad Bac Apud Pontuert unum modium annone medietatem frumenti et reliquum avene de eleemosyna Ailardi Armigeri Quidquid de Brenna habebat apud Berniacum et apud Crucem altare scilicet cum appendiciis suis et homines ad altare pertinentes cum universis consuetudinibus quas ei debebant Apud Longam villam quidquid habebat preter capita hominum Apud Cresanciacum quidquid habebat in Briennensi pago Allodium suum de curte Roberti allodium de Werdon et omnia ipsis allodiis in hominibus feminabus terris pratis aquis molendinis et sylvis pertinentia et manum firmam de Janvillari villam scilicet cum omnibus appendiciis suis Apud Roncherias in decimis magnis et minutis duas partes in villa de omnibus reditibus et proventibus quoquo modo evenerint tertiam partem in nemoribus vero et pascuis ad villam pertinentibus ubicunque sint tertiam partem exceptis masuris quarum census singulariter vester est et masura cum omnimoda justitia Partem ville proprie vestre que incipit a domibus que sunt subter viam que subjacet domui vestre et tendit usque ad viculum illum qui vertitur ad fontem Uberti ex alia vero parte vertitur per publicum aggerem qui tendit Castellionem usque ad nemus de Campo vicini et inde per fossatum quod dicitur Brunechildis tendit usque ad fontem Boel inde autem revertitur usque ad angulum antiqui nemoris quod est ad exitum ville versus Castellionem et ecclesiam de Sancto Fidolo cum omnibus pertinentiis suis sicut eam de donatione bone memorie Philippi quondam Trecensis episcopi rationabiliter possidetis Item apud Sanctum Fidolum quod vobis et ecclesie vestre bone memorie comes Theobaldus et filius ejus Hugo quondam Trecensis comes in eleemosynam pia concessione dederunt sicut in eorum scripto authentico continetur cum his que in altari de Sticourt et Toncourt possidetis Libertatem ville vestre in qua ecclesia vestra fundata est sicut eam quondam Theobaldus comes antiquior et postmodum filius ejus comes Stephanus vobis pia concessione donarunt Altare quoque de Misiaco cum magna et minuta decima Libertatem ville de Ulcenis ab Hugone Trecensi comite vobis concessam Altare et personatum de Glivoliis cum omnibus appendiciis suis Apud Roncherias terragia de Carturagio vestro sine parte militis et vice comitatum ejusdem ville terragia et census et omnem plenariam justitiam ejusdem vicecomitatus sine militis reclamatione vel advocatione Sane novalium vestrorum que propriis manibus aut sumptibus colitis sive de nutrimentis animalium vestrorum nullus a vobis decimas exigere vel extorquere presumat Liceat vobis clericos vel laicos e seculo fugientes liberos et absolutos ad conversionem recipere et eos absque contradictione aliqua retinere Cum generale autem interdictum terre fuerit liceat vobis clausis januis exclusis excommunicatis et interdictis non pulsatis campanis suppressa voce divina celebrare In parochialibus vero ecclesiis quas tenetis liceat vobis sacerdotes eligere et dioecesano episcopo presentare quibus si idonei fuerint episcopus curam animarum committat et ei de spiritualibus vobis autem de temporalibus debeant respondere Libertates preterea et immunitates antiquas et rationabiles consuetudines monasterio vestro concessas et hactenus observatas ratas habemus et eas futuris temporibus illibatas manere censemus Chrisma vero oleum sanctum consecrationes altarium seu basilicarum ordinationes clericorum seu monachorum qui ad sacros ordines fuerint promovendi a dioecesano suscipiatis episcopo siquidem catholicus fuerit et gratiam atque communionem apostolice sedis habuerit et ea vobis gratis et absque pravitate aliqua voluerit exhibere alioqui liceat vobis quemcunque malueritis adire antistitem qui nostra fultus auctoritate quod postulatur indulgeat Sepulturam preterea illius loci liberam esse decernimus ut eorum quoque devotioni et extreme voluntati qui se illic sepeliri deliberaverint nisi forte excommunicati fuerint vel interdicti nullus obsistat salva tamen justitia ecclesiarum illarum a quibus mortuorum corpora assumuntur Quia vero decime tam veteri quam nova lege ministris ecclesiarum sunt concesse auctoritate apostolica prohibemus ne ullus laicus a vobis decimas exigere vel extorquere presumat Prohibemus etiam ne cui liceat infra terminos parochiarum vestrarum ecclesiam vel oratorium sine assensu dioecesani episcopi et abbatis et capituli Cluniacensis de novo construere salvis tamen privilegiis Romanorum pontificum Inhibemus etiam ne ecclesias aut terras seu quodlibet beneficium Ecclesie vestre ullatenus liceat alicui personaliter dari sive alio modo alienari sine consensu totius capituli aut majoris et sanioris partis Si que vero donationes aliter quam dictum est facte fuerint eas irritas esse censemus Paci quoque et tranquillitati vestre paterna sollicitudine providere volentes auctoritate apostolica prohibemus ut infra clausuras locorum seu grangiarum vestrarum nullus violentiam vel rapinam furtumve committere ignem apponere hominem capere vel interficere aliqua temeritate presumat Locus autem ipse cum omnibus pertinentiis suis sicut hactenus fuisse cognoscitur sub Cluniacensis monasterii obedientia et subjectione perpetuo consistat Decernimus ergo ut nulli omnino hominum fas sit prefatum locum temere perturbare aut ejus possessiones auferre vel abbatas retinere minuere seu quibuslibet vexationibus fatigare sed omnia integra conserventur eorum pro quorum gubernatione ac sustentatione concessa sunt usibus omnimodis profutura salva sedis apostolice auctoritate et dioecesani episcopi canonica justitia Si qua igitur in futurum ecclesiastica secularisve persona hanc nostre constitutionis paginam sciens contra eam temere venire tentaverit secundo tertiove commonita nisi reatum suum satisfactione congrua correxerit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo corpore ac sanguine Dei et Domini Redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco sua jura servantibus sit pax Domini nostri Jesu Christi quatenus et hic fructum bone actionis percipiant et apud districtum Judicem premia eterne pacis inveniant Amen Amen Amen Ego Joannes presbyter cardinalis S Marie trans Ego Urbanus Catholice Ecclesie episcopus Ego Theodinus Portuensis et Sancte Bartinensis sedis episcopus Ego Henricus Albanensis episcopus Ego Theobaldus Ostiensis et Velletrensis episcopus Tiberim tit Calixti Ego Pandulphus tit duodecim Apostolorum Ego Albinus tit S Crucis in Jerusalem presbyter cardinalis Ego Melior presb card SS Joannis et Pauli tit Pammachii Ego Ardicio diac card S Theodori Ego Gratianus SS Cosme et Damiani diaconus cardinalis Ego Sofredus S Marie in Via Lata diac cardinalis Ego Rolandus S Marie in Porticu diaconus cardinalis Ego Petrus diaconus cardinalis S Nicolai in Carcere Tulliano Ego Radulphus S Georgii ad Velum Aureum diaconus cardinalis Datum Verone per manum Transmundi S R Ecclesie notarii XVII Kalendas Januarii indictione IV Incarnationis Dominice anno MCLXXXV pontificatus autem domni Urbani pape anno primo