Charter Document - 02184293

Lucius episcopus servus servorum Dei dilectis filiis Simoni priori monasterii Sancti Petri de Radolio ejusque fratribus tam presentibus quam futuribus regularem vitam professis in perpetuum Quoties a vobis petitur quod religioni et honestati convenire dignoscitur animo nos decet libenti concedere et petentium desideriis congruum suffragium impertiri Quapropter dilecti in Domino filii vestris justis postulationibus clementer annuimus et prefatum monasterium Sancti Petri de Radolio quod ad Cluniacense monasterium spectare dignoscitur in quo divino mancipati estis obsequio sub beati Petri et nostra protectione suscipimus et presentis scripti privilegio communimus statuentes ut quascunque possessiones quecunque bona idem monasterium in presentiarum juste et canonice possidet aut in futurum concessione pontificum largitione regum vel principum oblatione fidelium seu aliis justis modis prestante Domino poterit adipisci firma vobis vestrisque successoribus et illibata permaneant in quibus hec propriis duximus exprimenda vocabulis Locum ipsum in quo prefatum monasterium situm est cum tota villa Radiolensi et pertinentiis suis et quidquid habetis juxta confines ejusdem ville tam in bosco quam in plano ecclesiam Sancti Stephani de Condeiaco cum decimis et duabus partibus tortellorum in crastino Natalis Domini et candelarum in Purificatione Beate Marie capellam Sancti Martini in eadem parochia novem arpenta pratorum inter eumdem et pontem de Conde furnum et molendinum de firmitate Anculfi ecclesiam de Chaminiaco cum decimis et capella Beate Marie Magdalene in eodem loco sita tertiam partem decimarum de Lusenciaco cum aliis decimis et reditibus que in eadem parochia possidetis molendinum unum apud Vavas cum prato quod Brubium dicitur cum hospitibus etiam et aliis reditibus et pratis que habetis in parochiis de Chaminiaco et Lusentiaco terras aquas prata nemora et hospites que habetis apud Grupellarias apud Canescellum et apud Caminiacum octo sextaria avene quos reddit Ausculfus de Marvo pro ex cambio molendini ecclesiam de Chelliaco cum decimis et oblationibus et quidquid habetis in eadem parochia in terris et terragiis sive aliis reditibus ecclesiam de Bussy cum decimis et duabus partibus candelarum in Purificatione Sancte Marie et oblationum in Pascha Nativitate Domini et festo Omnium Sanctorum et S Sulpicii ecclesiam de Duciis cum tertia parte tortellorum in Nativitate Domini et candelarum in Purificatione Sancte Marie terram de Chalmot nemus de Rugel nemus Bulardi cum nemore de Molera in parochia de Staalda dimidium molendinum decimas et alios redditus terras hospites prata que habetis apud Teviants decimam partem decime de Montiniaco ex ea parte aque que versus ecclesiam est exceptis aquis et vitulis terram et prata de Usco tertiam partem decime de Mesilam in blado cum tractu et tertiam partem minutarum decimarum apud Iahamias terram arabilem cum viginti tribus denariis de censu sex solidos de censu in ecclesia de Venderia et undecim partes decimarum tam minutarum quam aliarum et tortellarum in Nativitate Domini et omnes candelas in Purificatione Beate Marie exceptis duodecim et exceptis minutis decimis quatuor hospitum Sancti Faronis terras prata homines seu hospites et redditus quos in illa parochia habetis tertiam partem decimarum de Huguerre cum tertia parte tortellorum in Nativitate Domini terras et hospites et redditus alios quos habetis apud Loriacum medietatem decime de Crespeel tractu apud Vendeul tertiam partem decime Sancti Juliani cum tertia parte hospitum atrii et tortellarum et quod habetis in decimis et reditibus apud Gandelus dimidium modium frumenti in molendino de Trema capellam B Marie de Lisiaco cum tribus modiis frumenti qui recipiuntur in molendinis ejusdem loci et decem solidos cum duobus modiis vinagii et duobus denariis unaque que hebdomada in foro et ceteris ad eamdem capellam pertinentibus in eodem loco et apud Villerias medietatem decime de blado cum tractu et unum septarium plus in singulis modiis pecuniam quam habetis apud Asverias apud Eschancru quatuor solidos de censu de terra Salviniaci in ecclesia de Placeio quartam partem tortellarum et oblationum in Nativitate Domini in Pascha in festo Omnium Sanctorum et Sancti Victoris et duas partes decimarum villam que dicitur Bennarim cum appendiciis suis et justitia et quidquid habetis in hominibus pratis et censibus apud Congiacum et apud Uvivum sextam partem decime de blado apud Sanctipelliacum duos sextarios avene et duos de frumento cum terragio et censu apud Orthollim duas partes decime quatuor sextarios frumenti qui debent recipi in grangia Sancti Faronis apud Vanderiam pro encambio de Panchat In civitate Meldensi ecclesiam Sancti Christophori cum tertia parte oblationum in Nativitate in Epiphania in Pascha in Pentecoste in festivitate Omnium Sanctorum in Purificatione vero Beate Marie in festo sancti Christophori tertiam partem candelarum item in eadem civitate tertiam partem censuum quos habent ex dono Wiardi de Venderia cum quibusdam censibus dimidium modium bladi quem reddunt vobis leprosi ejusdem urbis pro terra de Chamolt duas partes decime de Varenna cum jure presentationis quod in eisdem ecclesiis habetis in villis etiam vestris et hominibus liberam justitiam sicut ab Ada vicecomitissa et ab Hugone filio ejus scripto est authentico confirmata item decimam de Firmitate et de Canday tam in vino quam in grano Villa Eleemosynarii villarium cum justitia villam de Vorpellariis cum justitia ex dono Agathe decimam de Chaviniaco medietatem decime de Nucimento molendinum de Vannis boscum et hospites de Chasverel ex dono Radulfi de monte mirabili allodium de Chamot cum appendiciis suis homines quoque et ancillas de Firmitate sicut Hugo albus eos tenuerat allodium de Pavant cum octo hospitibus et justitia et possessionibus eorum decimam de Rutel allodium de Crutis ex dono Willelmi Joharanni terram et redditum de Freneco ex dono Petri de Trema et Simonis fratris sui terram et hospites de Jorcham ex dono Reginaldi Gurdonis Item terram decimam censum et casamentum Anculfi de Conde apud Lori et Tauro medietatem terre et grangie de Duciis ex dono Roberti de Lisy terram de Cusiis ex dono Roberti de Lisiaro Goonis de Gaudi et Odonis de Staalda decimam de Montiniaco furnum de Gaudeluco et foragium ejusdem castri predicte comitisse et Hugonis filii ejus usum furni et domus sicut in authentico eorum scripto continetur in ecclesia Beate Marie de Duciis quinque modios frumenti in Meldensi granario viginti solidos in consuetudine que passagium dicitur duos sextarios salis singulis annis jus et domum que juxta domum sita est ex dono predicte vicecomitisse et filii ejus mortuas etiam manus et recognitiones servorum et ancillarum quas Hugo albus dedit apud firmitates Anculfi sicut ipse tenuit capellam Sancte Marie de Fonte Sereno cum appendiciis suis et quidquid habetis Naudelu Choisy et Cury decem solidos de Bernardo de Charon quos sextarios frumenti apud Choisy quatuor sextarios bladi in decima de Canos quidquid habetis apud Latingis apud Currem ecclesiam ipsius loci cum presentatione presbyteri quidquid habetis apud Frenios Trebure Curtogiis castrum Theoderici Varenas Panant Crutis Neustorel Cardulet Villarium Vestulum Vuelli Selonts medietatem magni molendini et quidquid habetis Buze Bivul Premant medietatem decime de Damant et quidquid habetis apud Lory Socom et apud Villerslevast quidquid habetis in firmitate Anculfi et finibus ejus ex dono predicte vicecomitisse Ade et Hugonis filii ejus sicut in eorum scripto authentico continetur Possessiones vero alias quas monasterium vestrum a quadraginta annis inconcusse possedit et impresentiarum sine controversia possidetis vobis nihilominus confirmamus Sane novalium vestrorum que propriis manibus aut sumptibus colitis sive de nutrimentis animalium vestrorum nullus a vobis decimas exigere aut extorquere presumat liceatque vobis clericos vel laicos a seculo fugientes liberos et absolutos ad conversiones recipere et eos absque contradictione aliqua remanere Prohibemus insuper ne cui fratrum vestrorum post factam in eodem loco professionem fas sit absque prioris sui licentia nisi arctioris religionis obtentu de eodem loco discedere discedentem absque communium litterarum testimonio canonice nullus audeat recipere Cum autem generale interdictum terre fuerit liceat vobis clausis januis exclusis excommunicatis et interdictis non pulsatis campanis suspensa voce divina officia celebrare Inhibemus etiam ut intra fines parochiarum vestrarum nullus ecclesiam vel oratorium sine consensu dioecesani episcopi et vestro edificare presumat salvis tamen privilegiis Romanorum pontificum libertates preterea et immunitates vestras antiquas et rationabiles consuetudines monasterio vestro concessas et hactenus observatas ratas habemus et eas futuris temporibus illibatas manere sancimus sepulturam vero illius loci liberam esse decernimus ut eorum devotioni et extreme voluntati qui se illic sepeliri deliberaverint nisi forte excommunicati vel interdicti sint nullus obsistat salva tamen justitia illarum ecclesiarum a quibus mortuorum corpora assumuntur Decernimus ergo ut nulli omnino hominum fas sit prefatum monasterium temere perturbare aut ejus possessiones auferre vel ablatas retinere minuere seu quibuslibet vexationibus fatigare sed omnia integra conserventur eorum pro quorum gubernatione ac sustentatione concessa sunt usibus omnibus profutura salva sedis apostolice auctoritate dioecesem episcopi justitia et Cluniacensis monasterii debita reverentia Si qua igitur in futurum ecclesiastica secularisve persona [] Datum Verone per manum Hugonis sancte Romane Ecclesie notarii VI Kalendas Octobris indictione III Incarnationis Dominice anno MCLXXXIV pontificatus domni Lucii pape III anno IV