Charter Document - 02184271
| Charter Number: | 02184271 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1180 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Guillermus Dei gratia Remorum archiepiscopus sancte Romane ecclesie tituli Sancte Sabine cardinalis apostolice sedis legatus omnibus ad quos littere iste pervenerint in Domino salutem Noverit universitas vestra quod cum inter dilectum nostrum T[heobaldum] abbatem Cluniacensem et Hilduinum Remensem archidiaconum super presentatione presbiteri in ecclesia de Turre super Maternam questio verteretur tandem partibus in presentia nostra constitutis predecessorum nostrorum bone memorie Rainaldi et Manasse quondam Remensium archiepiscoporum privilegia diligenter inspeximus ex quibus cum nobis innotuisset jus altaris et representationem presbiteri ad Cluniacensem ecclesiam pertinere id ipsum juris juxta eorundem privilegiorum formam eidem ecclesie adjudicavimus factaque a jam dicto archidiacono ejusdem juris renuntiatione eum quem ipse ad presentationem jam dicti abbatis nobis presentavit ad illius ecclesie recepimus administrationem Data per manum Alexandri cancellarii nostri anno ab incarnatione Domini MCLXXIX mense februario