Charter Document - 02184264

Charter Document - 02184264


Charter Number: 02184264
Cartulary Title: Recueil des Chartes de l'Abbaye de Cluny
Charter Language: Latin
Charter Origin: Papal
Charter Type(s): Mandate
Date: 1178
Date type: Internal, A.D., Papal
Resource Link(s): CCE: cartae cluniacenses electronicae

Charter:

Alexander Episcopus servus servorum Dei dilectis filiis Joannis Priori Ecclesie sancte Marie de Vergiaco ejusque fratribus tam presentibus quam futuris Regularem vitam professis in perpetuum Suscepte administrationis officium monet nos impensius et hortatur loca religiosa speciali charitate diligere et ab injuriis malignantium protectionis Apostolice clypeo premunire Ea propter dilecti in Christo filii vestris justis postulationibus clementer annuimus et prefatam Ecclesiam in qua divino mancipati estis obsequio sub beati Petri et nostra protectione suscipimus et presentis scripti privilegio communimus in primis siquidem statuentes ut ordo Monasticus qui secundum Deum et sancti Benedicti regulam in Monasterio vestro statutus esse dignoscitur perpetuis ibidem temporibus inviolabiliter observetur Preterea quascunque possessiones quecumque bona eadem Ecclesia in presentiarum juste et canonice possidet aut in futurum concessione Pontificum largitione Regum vel Principum oblatione fidelium seu aliis justis modis prestante Domino poterit adipisci firma vobis vestrisque successoribus et illibata permaneant in quibus hec propriis duximus exprimenda vocabulis Ecclesiam sancte Marie et sancti Viventii de Vergiaco cum Villa Ecclesiam sancti Saturnini in eadem villa cum appendiciis suis Ecclesiam sancti Victoris de Marrineiaco cum appendiciis suis et Capellam ejusdem Castri cum appendiciis suis Ecclesiam sancti Joannis de Boes cum appendiciis suis Ecclesiam et Villam sancti Albini de Artenant cum appendiciis suis Ecclesiam et Villam sancti Martini de Boons cum appendiciis suis Ecclesiam et Villam sancte Marie de Flageiaco cum appendiciis suis Ecclesiam sancti Joannis de Flaveuerat cum appendicis suis Ecclesiam sancti Martini de Genleiaco cum appendiciis suis Ecclesiam sancte Marie de Cultis juxta Malleiacum cum appendiciis suis Ecclesiam S Marie et Villam de Ladona et Prioratum cum omnibus appendiciis sicut in privilegio felicis memorie predecessoris nostri Innocentii Pape continetur Ecclesiam et Villam sancti Viventii Prioratum cum omnibus appendiciis suis Ecclesiam et Villam que dicitur Ausona cum omnibus appendiciis suis Ecclesiam sancte Marie in eadem Villa cum appendiciis suis Ecclesiam sancti Stephani de Abergement cum eadem Villa et omnibus aliis appendiciis suis Ecclesiam et Villam sancti Albini cum omnibus appendiciis suis Ecclesiam de Jambent cum omnibus appendiciis suis Ecclesiam de Sampens cum appendiciis suis Ecclesiam sancti Petri de Charreiaco cum Capella de Veleiaco cum omnibus appendiciis suis Ecclesiam sancti Andree de Brent cum appendiciis suis Ecclesiam Villam Prioratum sancte Marie et sancti Viventii de Borsi cum appendiciis suis Ecclesiam sancti Patricii de Novavilla cum appendiciis suis Ecclesiam sancti Gengulphi de Mesler cum appendiciis suis Ecclesiam Villam Prioratum sancti Clementis de Maseries cum appendiciis suis Ecclesiam sancti Viventii de Saler cum appendiciis suis Minagium de Ausona de dono Comitis Stephani et quadraginta solidos in reditibus ejusdem ville quos de portione et donatione ejusdem Comitis possidetis ex dono Guidono de Chauls molendinum de Serrea cum Foresta ad eum pertinente et ceteris appendiciis suis Preterea pactum quod inter Guichardum Priorem quondam Monasterii vestri et nobilem virum Willermum Comitem Matisconensem et filios ejus super villa edificanda que Veson vocatur de libera voluntate pretium intercessit ratum habemus ipsumque authoritate Apostolica confirmamus Sane novalium vestrorum que propriis manibus aut sumptibus colitis sive de nutrimentis vestrorum animalium nullus a vobis decimas exigere vel extorquere presumat In Paroch autem Ecclesiis vestris vacantibus liceat vobis Sacerdotes eligere et Episcopo presentare quibus si idonei inventi fuerint Episcopus animarum curam committat et de plebis quidem cura Episcopo nobis vero de temporalibus debeant respondere sepulturam quoque ipsius loci liberam esse decernimus ut eorum devotioni et extreme voluntati qui se illic sepeliri deliberaverint nisi forte excommunicati vel interdicti sint nullus obsistat salva tamen justitia illarum Ecclesiarum a quibus mortuorum corpora assumuntur Paci etiam et tranquillitati vestre paterna sollicitudine providere volentes authoritate Apostolica prohibemus ne infra clausuram loci vestri seu grangiarum vestrarum ullus violentiam vel rapinam seu furtum facere vel homines capere aut interficere audeat Decernimus ergo ut nulli omnino hominum liceat prefatum monasterium temere perturbare aut ejus possessiones auferre vel ablatas retinere minuere aut aliquibus vexationibus fatigare sed omnia integra conserventur eorum pro quorum gubernatione ac sustentatione concessa sunt usibus omnimodis profutura salva sedis Apostolice authoritate Abbatis Cluniacensis obedientia et reverentia atque in prescriptis Ecclesiis Diocesani Episcopi Canonica justitia Si qua igitur in futurum Ecclesiastica secularisve persona hanc nostre constitutionis paginam sciens contra eam temere venire tentaverit secundo tertiove commonita nisi reatum suum digna satisfactione correxerit potestatis honorisque sui dignitate careat reamque se divino judicio existere de perpetrata iniquitate cognoscat a sacratissimo corpore ac sanguine Dei et Domini Redemptoris nostri Jesu Christi aliena fiat atque in extremo examine districte ultioni subjaceat cunctis autem eidem loco sua jura servantibus sit pax Domini nostri Iesu Christi quatenus et hic fructum bone actionis percipiant et apud districtum judicem premia eterne vite inveniant Amen Ego Alexander Catholice Ecclesie Episcopus Ego Imbaldus Hostiensis Episcopus Ego Ioannes Presbyter Cardinalis sanctorum Ioannis et Pa tituli Pammachii Ego Ioannes Presb Card tit sancte Anastasie Ego Ioannes Presbyter Cardinalis tit S Marci Ego Petrus Presbyter Card tit sancte Susanne Ego Vivianus Presbyter Cardinalis tit S Stephani in Celio monte Ego Cencius Presbyter Card tit sancte Cecilie Ego Iacobus Diac Card S Marie in Cosmedin Ego Ardicio Diaconus Card S Theodori Ego Rainerius Diaconus Cardinalis S Georgii ad velum aureum Ego Ioannes Diaconus Cardinalis sancti Angeli Ego Rainerius S Adriani Diaconus Cardinalis Ego Mattheus Diaconus Card sancte Marie nove Ego Bernardus Diaconus Cardinalis sancti Nicolai in carcere Tulliano Datum Tusculani per manum Arberti S R E Presbyteri Cardinalis Cancellarii octavo Idus Decembris Indictione XI Incarnationis Dominice anno millesimo centesimo septuagesimo octavo Pontificatus vero Domni Alexandri Pape III anno vicesimo