Charter Document - 02184263
| Charter Number: | 02184263 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Renunciation |
| Date: | 1178 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Ar[ducius] Dei gratia Gerbensis episcopus cunctis in Christo fidelibus tam presentibus quam futuris eternam in Domino salutem Tranquillitati et libertati ecclesiarum ac Deo jugiter famulantium ex officio nobis injuncto et ex debito caritatis que in suo fonte non admittit alienos invigilare debemus ut in beneplacito creatoris vel ad modicum respiret sancta Dei ecclesia que a principibus hujus seculi frequenter gemit inter malleum et incudem Hinc est quod ecclesia de Condaminio post persecutiones et naufragia portum sue liberationis adinvenit Henricus dominus de Fociniaco nepos noster apud Salanchiam convocatis majoribus terre sue quicquid juris in ecclesia de Condaminio haberet in nostra presentia et R Teutonici et Raimondi fratrum nostrorum Willermi et Aimonis nepotum nostrorum recordari fecit post fidelitatis examen et juramenti interpositionem a dapiferis et ministris et ab eis ad quos tum ex evi longinquitate partim ex ipsis rebus constabat notitialis facta est recordatio Si contingeret terram de Fulciniaco impugnari ab hostibus in tutamentum terre esse deberent homines ecclesie de Condaminio si fera in terra de Condaminio caperetur ipsius venationis dimidium ad dominum de Fuciniaco portaretur justitia adulterii homicidiorum furtique banna ad dominum de Fuciniaco pertinent In aliis omnibus libera est ecclesia supradicta ab omni exactione et gravamine nisi esset ejus spontanea voluntas Hoc in manu nostra firmiter stabilitum est et laudatum a domino Henrico de Fuciniaco et a fratribus suis Guillermo et Haimone et Marchesio ita tamen quod si questio inde oriretur vel querimonia ex parte ecclesie de Condaminio quod gravaretur vel molestaretur in aliquo districta a nobis et a nostris successoribus pro illo excessu fieret justitia ne temeritas remaneret impunita Hanc presentis pagine subscriptionem sigillo nostro firmamus et munimus ut nullam habeat repulsam quod justitia stabilivit Actum est hoc domino Alexandro sancte Romane ecclesie presidente Frederico imperatore Amedeo comite Gebennensi tempore prioris Guillermi qui multum pro hac pace et pro libertate ecclesie laboravit anno ab incarnatione Domini nostri Jesu Christi MCLXX octavo die Veneris mense junio Ego Girbertus Gerbensis canonicus et magister scripsi et feci hanc cartam jussu domini Alexandri Girbernensis episcopi habentis vices cancellarii Pro testibus affuerunt Nantelmus decanus Fredoardus Willermus Jospez Gebernenses canonici Albertus et Guillermus monachi Lambertus sacerdos Rodulfus Teutonicus et Raimundus de Fociniaco fratres episcopi Poncius Pilatus Guido [de] Fraxino Guillermus Seginus Aimo de Sinaco Guillermus de Fraxia miles Alimarus de Castellione Turombertus filius ejus Manerius de Chalanchia Anselmus de Rancurel Petrus Festa Petrus Giroldus dominus Giroldus de Margancello bajulus negotii et alii Hoc in fine apponimus scripti hujus ut omnis occasio et calumnia amoveatur ne homines de Condaminio graventur in objectis nisi prius convicti vel confessi essent ne justus et innocens a justo reprimatur