Charter Document - 02184251
| Charter Number: | 02184251 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1174 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Alexander episcopus servus servorum Dei dilectis filiis [] priori et fratribus Cluniacensibus tam in capite quam in membris consistentibus salutem et apostolicam benedictionem Gratum nobis est et acceptum et providentiam vestram digne in Domino commendamus quod vos fratres de capite Cluniacensis monasterii in dilectum filium nostrum fratrem vestrum priorem quondam de Caritate virum utique nobilem religiosum providum et honestum et nobis carum ad modum et acceptum unanimiter convenistis eumque vobis elegistis in magistrum pariter et abbatem Inde est utique quod nos electionem vestram ratam habentes et firmam eamque auctoritate apostolica confirmantes discretioni vestre per apostolica scripta mandamus atque precipimus quatinus ei sicuti abbati vestro debitam in omnibus obedientiam et reverentiam impendatis eiusque monitis et mandatis humiliter et devote parentes ad cultum religionis et observantiam ordinis ferventer et unanimiter intendatis scituri pro certo quod si qui vestrum ei contumaces fuerint vel rebelles sententiam quam idem abbas in eos propter hoc canonice dederit nos auctore Domino ratam et firmam habebimus et eam faciemus inviolabiliter observari Datum Anagnie VIIII kalendas februarii