Charter Document - 02184244

Tempore bone memorie domini Petri abbatis Cluniacensis facta est contentio inter ecclesiam Cluniacensem et Hugonem Discalciatum Siquidem Hugo Discalciatus in Monte de Avoto castrum erexerat quod contra ecclesiam stare videbatur Et contra monachi Cluniacenses in villa que dicitur Clarum Mane castrum firmaverunt Et cum aliquanto tempore dissensio ista durasset tandem mediante Hugone de Berziaco et aliis militibus et ex parte nostra fratre Enguizone et aliis fratribus in hunc modum utrinque ad pacem ventum est Sane munitiones ille pari assensu ab utrisque everse sunt Montem illum in quo Hugo munitionem firmaverat ecclesie contulit Cluniacensi et juramento firmavit quod deinceps ipse nec heres ejus munitionem ibi faceret nec a Buxeria usque Cluniacum aliquando munitionem erigeret Et inde ipse Hugo habuit CC libras et XX Comes quoque Willermus Masticonensis de cujus feodo mons erat ipsum in perpetuum allodium ecclesie contulit et concessit Postmodum tempore domni Rodulfi abbatis iterum lis orta est inter Hugonem et ecclesiam Cluniacensem quoniam quedam minus expressa erant in prioribus pactionibus Unde mediante eodem Hugone de Berziaco pactiones pristine iterate sunt et renovate Additum etiam quod monachi Cluniacenses domum et burgum de Masiliis pro voluntate sua muris et munitionibus claudere et firmare poterunt et cetere priores pactiones firmiter stabunt Et ita omnes querimonie quas Hugo habebat adversus ecclesiam ex toto indulte sunt et remisse Et inde habuit Hugo CCC solidos et consilium ejus C solidos De pedagio quod ipse constituit in terra nostra querimoniam facere poterunt monachi dum voluerint De consuetudinibus Sancti Pontii et Montis Francie dictum est quod inde ipse non accipiet nisi quod per justitiam aut antiquum morem juxta testimonium seniorum hominum fuerit assecutus Has pactiones idem Hugo in capitulo presente domino Radulfo abbate juravit cum filiis suis Widone et Lamberto Testes inde sunt Oggerius prior Cluniacensis Berardus de Braonna camerlencus domini abbatis Humbertus sacrista Hugo prior de Salis Hugo conestabulus Drogo decanus de Perrona Henricus Lombardus elemosinarius Poncius decanus Milo notarius domini abbatis Willermus de Borbon et omnis conventus De militibus vero Wido Riuls Lambertus de Mali Wicardus de Barbareschia et de burgensibus Stephanus de Bosco Hugo frater ejus Warnerius de Bosco Hugo Raimundus Petrus de Merlo Willermus Calioz Silvester Miliars Johannes famulus prioris Cluniacensis de Mascone Willermus Guaslaz et alii multi Ex mandato itaque ipsius H[ugonis] archiepiscopus Lugdunensis episcopus Masticonensis abbas Cluniacensis et conventus apposuerunt ibi hic sigilla sua ut verius et certius credatur Acta sunt hec publice in Cluniacensi capitulo anno Verbi incarnati MCLXXIII VI kal novembris regnante Ludovico rege Francorum anno primo electionis domini Radulfi abbatis Wido de Flay scripsit