Charter Document - 02184232

Willelmus Dei gratia Aconensis Ecclesie Latinorum Episcopus quartus Stephano Cluniacensis Ecclesie reverendo Abbati et fratribus eiusdem Ecclesie in perpetuum Cum iustis et honestis petitionibus facilis debeatur assensus eorum maxime petitiones et preces nos condecet admittere quorum est officium et propositum pro peccatis et negligentiis fidelium Deo iugiter supplicare et qui secularibus et transitoriis rebus calcatis mente contemplativa ad celestia tantum suspirant Inde est quod Cluniacensis Ecclesie qua inter ceteras Orbis Religiones honestatis et sancte conversationis merito supereminet postulationibus provocati ipsi Ecclesie concedimus in Parochia in designato a nobis loco Claustrum et Ecclesiam edificare et ut liceat ei absolute et libere recipere ac possidere quacumque sibi vel Principum largitione vel fidelium oblata fuerint denotione saluo in omnibus iure Aconensis Ecclesie Ita tamen hoc ei concedimus ut Monachi vel alij Clerici qui ibi fuerint nobis et successoribus nostris plenam deferant reuerentiam excommunicatos nostros nullatenus recipiant et fi forte ciuitas interdicta fuerit clausis ianuis sibi tantum submissa voce campanis silentibus diuina celebrent officia Vocati ad Capitulum nostrum ad consilium et auxilium Ecclesie nostre si necesse fuerit impendendum pecuniarii tamen remota exactione venire non contradicant De iure parochiali nullatenus se intromittant nisi forte a nobis vel a successore nostro eis aliquibus horis fuerit consessum Hoc autem Cluniacensi Ecclesie concessimus mediante viro venerabili Theobaldo eiusdem Ecclesie Monacho et Crispiacensi Priori multis et excelsis virtutibus decorato qui in presentia nostra promisit Cluniacensem Ecclesiam supra scriptos tenores nobis et Ecclesie nostre omni tempore observaturam nec ex his qua ad ius Aconensis Ecclesie pertinent aliquid ullo tempore usurpat uram Factum est hoc in Aconensi civitate anno ab Incarnatione Domini MCLXX Indict[] iii in presentia domni Patriarche Amalrici et domni Regis Almarici consensu Capituli Aconensis Ecclesie Interfuerunt autem ibi viri venerabiles C Casariensis L Nazarenus Archiepiscopi R quoque Bethleemita B Liddensis R Tiberiadensis R Ebronensis Episcopi et plures alij religiosi viri