Charter Document - 02184231
| Charter Number: | 02184231 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1169 - 1170 |
| Date type: | Internal, A.D., Regnal |
| Resource Link(s): |
CCE: cartae cluniacenses electronicae |
Charter:
In nomine sancte et individue Trinitatis Amen Ego Ludovicus rex Francorum omnibus in perpetuum Regie magnificencie opus esse dignoscitur non solum ecclesias regni beneficiis ampliare verum etiam brachio defensionis amplecti et ne a dignitate corone in manus alienas processu temporis deveniant precavere Notum itaque facimus universis tam futuris quam presentibus quod rogatu amici et fidelis nostri venerabilis viri Stephani Cluniacensis abbatis et totius ecclesie que magnum hujus regni membrum existit et cujus religio diebus nostris insigne sanctitatis prebet exemplum crebra etiam petitione dilecti ac familiaris nostri Artaldi prioris de Amberta eandem ecclesiam videlicet Ambertam cum omnibus appendiciis suis in manu et protectione nostra suscipimus decernentes ut [eadem] ecclesia et possessiones sue universe in perpetuum sub regio permaneant dominio et protectione auctoritate etiam regia prohibentes ne alicui heredum nostrorum aut alii unquam homini liceat eam aliquo modo ad aliam transferre potestatem Quod ut ratum in posterum et immobili firmitate subnixum permaneat scripto notari et sigilli nostri auctoritate confirmari precepimus Actum publice apud Fontem Bliaudi anno Verbi incarnati MCLXIX regni vero nostri XXXIII a Philippi filii nostri nativitate quinto Subter etiam inscripto nominis nostri karactere astantibus in palatio nostro quorum apposita sunt nomina et signa Signum comitis Theobaldi dapiferi nostri S Guidonis buticularii S Mathei camerarii S Radulfi constabularii Data per manum Hugonis cancellarii et episcopi Suessionensis