Charter Document - 02184220

Alexander Episcopus servus servorum Dei dilectis filiis Petro Abbati Monasterii Mauziacensis ejusque fratribus tam presentibus quam futuris regularem vitam professis in perpetuum Effectum justa postulantibus indulgere et Ecclesiastice vigor equitatis et ordo exigit rationis presertim quando petentium voluntatem et pietas adjuvat et veritas comitatur Ea propter dilecti in Domino filii vestris justis postulationibus clementer annuimus et Mauziacense Monasterium antecessorum nostrorum exempla sequendo confirmamus Imprimis siquidem statuentes ut ordo monasticus qui secundum Deum et beati Benedicti regulam in eodem loco institutus esse dignoscitur perpetuis ibidem temporibus inviolabiliter observetur Preterea quascumque possessiones quecumque bona idem Monasterium impresentiarum juste et canonice possidet aut in futurum concessione Pontificum largitione Regum vel Principum oblatione fidelium seu aliis justis modis prestante Domino poterit adipisci firma vobis vestrisque successoribus et illibata permaneant in quibus hec propriis duximus exprimenda vocabulis Prope prefatum Monasterium Ecclesiam S Laurentii cum pertinentia sua videlicet Vicaria terre de Mabiliaco Ecclesiam S Pauli Ecclesiam S Martini Ecclesiam S Calamini ejusdem Monasterii primi Fundatoris Ecclesiam de Gatteria cum pensione que solvitur ad vestimenta fratrum Ecclesiam S Hilarii cum Capella sua item Ecclesiam de Giaco cum pertinentibus sibi Ecclesiis videlicet Ecclesia de Marecalmis et Ecclesia de Oene et Ecclesia de Goreis cum Capella de Farneel item Ecclesiam de Rubiaco cum pertinentibus sibi Ecclesiis scilicet Ecclesia S Martini et Ecclesia S Eudochii in eadem villa positis et in montanis Ecclesie S Petri et Capella Pontis Gibaldi et Ecclesia S Vrsi cum hereditate sua item Ecclesiam de Montibus cum Capella de castro quod dicitur Colia item Ecclesiam S Hyppoliti item Ecclesiam de Vulvico cum Capella sancte Marie et Ecclesia S Martialis item Ecclesiam de Marsiaco Ecclesiam de Monistrolo Ecclesiam de Sancta Cultura Ecclesiam S Boniti de Calmis Ecclesiam sancti Bonniti de Aluschiis et Ecclesiam sancti Andree de Pagnes item Ecclesiam S Marie de Rocaforti cum Capella de Castro et terra adjacente per circuitum item Ecclesiam sancti Boniti Montispenserii cum Capella ejusdem castri et cum municipio de Catusiaco et terra adjacente per circuitum item Ecclesiam de Donoma cum possessionibus suis item Ecclesiam sancti Germani cum Capella et Castro sibi adjacente item Ecclesiam sancti Remigii Ecclesiam de Suliech Ecclesias duas de veteri Crusech item Ecclesiam de Laurigiis cum hereditate sua item Ecclesiam de Dreturaris cum adjacente sibi villa prediis aquis et silvis per circuitum Ecclesiam S Desiderii et Ecclesiam S Prejecti et Capellam de Palicia item Ecclesiam de Chos cum Parochia sua item S Ambrosii cum pertinentibus sibi Ecclesiis videlicet Ecclesia Montispetrosi Ecclesia S Leontii et Ecclesia S Dionysii Proprietates quoque quarumdam possessionum vestrarum dignum duximus annotare scilicet Mobiliacum Tauriniacum Plumberias Salzimas Primiliacum usque ad Previratas et usque ad Garinange Ananziacum Belanede Araneam castrum Mirabel cum valle adjacenti Perpeliacum Bociacum et medietatem Legde Riomensis ville quoquo tempore detur Prohibentes ne et feuda vestra sicut de jure non licet aliquis audeat sine assensu vestro violenter intrare aut sibi usurpare scilicet feodum castelli de Rocaforti in cujus turre et ceteris domibus habetis censum annuum castellum de sancto Germano feodum Domini de Scola item Cameret et quod habet apud Mauriacum et apud Laurigias feodum Domini de Barmon videlicet modiatas vini de vineis circa Ceresium feodum Domini montis Pancerii quod habet apud Bononiam in terris sancti Boniti causa custodie feodum Domini de Turiaco scilicet villam et munitionem sancti Ignatii feodum Domini Montis Vasconis id est villam sancti Andree de Prignes et quod habet apud Plumberias feodum Domini de Anaziaco quod habet apud Marsiacum et censum annualem quem habet in villis beati Austremonii causa custodie feodum Domini de Tornolio videlicet Carbonerias et quod habet in valle de Correaco et in valle de Cresel et censum annualem quem habet in Mansis vel Coloniis beati Austremonii causa custodie feodum Domini de Casluch quod habet inter Marsiacum et Mauriacum feudum Domini de Ponte videlicet domum juxta Ecclesiam beati Laurentii quod habet in terra que dicitur ad Martyres causa custodie apud Perpeziacum feodum Domini de Camaleria scilicet Brolium ejusdem castri Petiacum Lobariacum Caraiso prata de Ceresio et quod habet apud Marsiacum et Mauriacum sanctum Bonitum et Ceresium et feudatarios multos quos habet ab Ecclesia Mauriacensi feudum Domini de Cresto scilicet quicquid habet apud Riomum Mauriacum Mirabellum Ceresium vel apud terram que dicitur Evers et feudum Domini de Cebaziaco et Domini de Rocaforti in Lubarces quicquid habet in villis scilicet Mauziaco Marsiaco Ceresio et pertinentiis earum apud Rubiacum feudum Willelmi de Planis et feuda omnium militum illorum qui dicuntur de Rubiaco scilicet quicquid habent ipsi vel aliquis alius ab Alua ficta usque ad Fontanas et a via sancti Petri de Castello usque ad viam Montisferrati feuda quoque que habent a beato Austremonio et a vobis homines Mauriacensis ville que tota cum situ suo per circuitum cum viis pascuis aquis aquarumque decursibus a rivo de Tolon usque ad Ecclesiam de Ceresio et a molendino de Fichet usque ad molendinum de Mota in dominio vel proprietate Mauriacensis Ecclesie posita esse dignoscitur ubilibet sint cum predictis Ecclesiis et earum pertinentiis Hujus privilegii auctoritate decernentes ut nulla Ecclesiastica secularisve persona prefatum Monasterium ab Abbatie dignitate destituere vel infra predictas metas turrem sive castellum edificare valeat neque tributa aut tallias vel teloneum tollere aut homines super terra ipsius loci commanentes distringere vel violentas hospitationes seu occasiones ab eis exigere vestris futurisque temporibus quisquam temeritate sua audeat Obeunte vero te nunc ejusdem loci Abbate vel tuorum quolibet successorum nullus ibi qualibet subreptionis astutia seu violentia preponatur nisi quem fratres communi consensu vel fratrum pars consilii sanioris secundum Deum et beati Benedicti regulam cum consilio et voluntate Cluniacensis Abbatis providerint eligendum Decernimus ergo ut nulli omnino hominum liceat idem Monasterium temere perturbare vel ejus possessiones auferre vel ablatas retinere minuere seu quibuslibet vexationibus fatigare sed illibata omnia et integra conserventur eorum pro quorum sustentatione ac gubernatione concessa sunt usibus omnimodis profutura salva Sedis Apostolice auctoritate et Diocesani Episcopi canonica justitia Si qua igitur in futurum Ecclesiastica secularisve persona hanc nostre Constitutionis paginam sciens contra eam temere venire tentaverit secundo tertiove commonita nisi reatum suum digna satisfactione correxerit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo Corpore ac Sanguine Dei et Domini Redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco sua jura servantibus sit pax Domini nostri Jesu Christi quatinus et hic fructum bone actionis percipiant et apud districtum Judicem premia eterne pacis inveniant Amen