Charter Document - 02184212

Hu Ostiensis B Portuensis episcopi W tituli Sancti Petri ad vincula presbyter M Sancti Georgii ad velum aureum Dei gratia Romane ecclesie cardinales venerabilibus fratribus J[ohanni] eadem gratia Magalonensi episcopo ejusdemque loci capitulo Stephano Cluniacensi abbati universoque ejusdem loci conventui salutem in Christo Dum in concilio Turonis celebrato ad terminandam controversiam que super ecclesia Beati Petri juxta Montempessulanum sita inter vos vertebatur a serenissimo papa Alexandro dies vobis fuisset apostolicis litteris prestituta et Romanorum pontificum scriptis in medium hinc inde prolatis lis ipsa dubios sortiretur eventus ex mandato prefati Romani pontificis partis etiam utriusque consensu hujusmodi perpetuis temporibus inter vos statuimus servari concordiam Ut scilicet de cetero monachi Cluniacenses excommunicatos Magalonensis ecclesie seu etiam interdictos non recipiant neque penitentiam dent in villa Montispessulani vel in aliis villis Magalonensis episcopatus per se aut per capellanum aliquem introductum Ad infirmos etiam non accedant nisi vocati neque sacerdotalem miserationem aliquando exhibeant Cum autem vocati accesserint si infirmus apud eorum monasterium sepulturam elegerit liberam ejus habeant sepulturam Canonici vero Magalonenses in pulsandis campanis et receptione funeris in ecclesia debitam humanitatem exhibeant Monachi autem tertiam partem omnium que eis infirmus moriens contulerit canonicis Magalonensibus solvant nisi forte decedens prefatis monachis in conversum vel monachum se reddiderit vel etiam talis fuerit in quem jus excommunicationis ferende Magalonenses cum decederet non haberent Si autem is qui apud jam dictum monasterium sepeliri decreverit partem rerum suarum monachis partemque prenominatis canonicis duxerit relinquendam canonicis dabitur optio de duobus ut scilicet a monachis nihil recepturi legatam sibi partem retineant aut relictorum contributione facta totius summe partem tertiam assequantur Preterea missas sponsaliorum seu partus canonici Magalonenses non decantabunt neque jam dictos parrochianos recipient in precipuis festivitatibus vel ad penitentiam si ecclesiis ad quas spectant voluerint se forte subtrahere Decimas quoque ad jus Magalonensis ecclesie spectantes de cetero non recipient nec retinebunt Sed tam de hiis prediis que nunc in prenominata parrochia habent quam de hiis que in futurum ad proprietatem eorum fuerint modis aliquibus devoluta decimas Magalonensi ecclesie persolvant exceptis terris et vineis quas nunc tempore scilicet hujus concordie introducte circa idem monasterium sine interpositione fluminis aliarumve terrarum possidere noscuntur Si vero aliquando contigerit villam circa monasterium prenominatum edificari jus parrochiale in eadem villa Magalonensis ecclesia obtinebit Monachorum autem erit capellanum eligere ejusdemque loci episcopo presentare Presentatus autem ab episcopo curam animarum recipiet nisi causa evidens et rationabilis contradicat Nihilominus etiam statuimus ne aliquando liceat Cluniacensibus duodenarium monachorum numerum in eodem prioratu excedere aut aliquando ibi constituere abbatem seu aliam ecclesiam in sepe dicto episcopatu absque episcopi et capituli consensu edificare Non licebit etiam monachis possessiones ad Magalonensem ecclesiam ratione feodi vel alio jure pertinentes aut canonicos vel conversos ipsius seu etiam donatos absque episcopi et capituli licentia recipere Idem etiam tenebuntur canonici erga monachos observare Consecrationes quoque ecclesiarum et altarium atque promotiones monachorum ad Magalonensem episcopum pertinebunt si ea gratis et libere peragere voluerit Ut autem hujusmodi concordia perpetua stabilitate firmetur sigillorum nostrorum munimine eam duximus roborandam Actum Turonis idus junii anno incarnationis Dominice MCLXIII indictione undecima pontificatus magnifici pape Alexandri tertii anno quarto