Charter Document - 02184209

Alexander Episcopus servus servorum Dei dilectis filiis Bernardo Priori sancti Stephani Nivernensis ejusque fratribus tam presentibus quam futuris regularem vitam professis in perpetuum Religiosis desideriis dignum est facilem prebere assensum ut fidelis devotio celerem sortiatur effectum eapropter dilecti in Domino filii vestris justis postulationibus clementer annuimus et Monasterium sancti Stephani Nivernensis in quo divino mancipati estis obsequio sub beati Petri et nostra protectione suscipimus et presentis scripti privilegio communimus statuentes ut quascumque possessiones quecumque bona idem Monasterium impresentiarum juste et canonice possidet aut in futurum concessione Pontificum largitione Regum vel Principum oblatione fidelium seu aliis justis modis Deo propitio poterit adipisci firma vobis vestrisque successoribus et illibata permaneant in quibus hec propriis duximus exprimenda vocabulis Burgum ipsum sancti Stephani cum hominibus inibi hospitatis omnibusque reditibus et consuetudinibus ejusdem burgi sicut Willelmus quondam Nivernensis Comes instinctu et assensu Hugonis quondam Nivernensis Episcopi eidem Monasterio et fratribus Cluniacensibus liberum et immunem ab omni exactione et consuetudine sua suorumque heredum et hominum quemadmodum in scripto donationis et concessionis utriusque continetur noscitur contulisse Homines quoque ejusdem burgi liberam habeant facultatem utendi omnibus opportunitatibus suis in terra Comitis Nivernensis tam in aquis quam in pascuis silvis mercatis nundinis viis et semitis sicut ceteri ejusdem Comitis homines tam in civitate quam extra quemadmodum a jam dicto Vuillelmo Comite Nivernensi statutum atque sanctitum est cursum quoque et usum per omnes silvas Nivernensis Comitis ad calefaciendum et edificandum et porcorum vestrorum panagium vineas quoque et censum et omnia que idem Comes vobis rationabiliter contulit ultra Croam et ad sanctum Benignum cum hominibus advenis qui ibi hospitati sunt ab omni exactione et consuetudinis Comitis libera sicut ipse vobis ea concessit vineas Clementis et vineas de Bussiliaco que fuerunt matris ejusdem Comitis et hereditate Raynaldi de Vallano et allodium quod habebat idem Comes in Vernaco et terram de Forgiis cum hominibus et consuetudinibus suis terram etiam de Moussiaco que est prope castellum montis Onesii que erat in Casamento et quam idem Comes habebat in dominio apud castrum de Moncellis ab eodem Comite vobis concessam Allodium quoque de Marcilliaco in quo pars burgi sita est quod adjacet castro et Capellas de Moncellis cum eis que ad Capellas pertinent et decimas Salomonum ejusdem Comitis apud Nivernensem Ecclesiam de Luxiaco cum curte et appendiciis suis molendinum de Moysiaco cum aqu[] ductu et terra que est in circuitu allodium de Meleravo et terram quam dedit Bonifacius Presbyter juxta campum vertum apud veterum Croam in villam que vocatur Chivinias juxta Alluisiacum medietatem decime grangiam de assertis cum omnibus pertinentiis suis apud campum vertum tres Ramatas in flumine Arronii Ecclesiam sancti Petri que est in suburbio Nivernensi cum terra decima et censu que Olivarius in supradicto burgo habebat Cellam de Boonaco cum terris pratis vineis molendinis et omnibus pertinentiis suis villam de Suriaco dum terris pratis molendinis et omnibus pertinentiis suis Ecclesiam sancte Marie de Lincone cum furno torculari terris pratis vineis et decima aliisque pertinentiis suis Ecclesiam de Vxelo cum decima et pertinentiis suis decimam tam vini quam annone de Sarmasia et ea que in ejusdem ville potestate habetis Quartam partem Allodii de Lupi cum pertinentiis suis prata de Vrzeio Ecclesiam de Chevenum cum decima et appendiciis suis Sancimus preterea ut prefatum Monasterium in eadem libertate et immunitate in qua hactenus fuisse dignoscitur futuris temporibus Apostolice Sedis auctoritate permaneat Decernimus ergo ut nulli omnino hominum prefatum Monasterium temere perturbare aut ejus possessiones auferre vel ablatas retinere minuere seu quibuslibet vexationibus fatigare sed omnia illibata et integra conserventur eorum pro quorum gubernatione ac sustentatione concessa sunt usibus omnimodis profutura salva Sedis Apostolice auctoritate et Diocesani Episcopi canonica justitia Si qua igitur in futurum Ecclesiastica secularisve persona hanc nostre Constitutionis paginam sciens contra eam venire temere tentaverit secundo tertiove commonita nisi presumptionem suam congrua satisfactione correxerit potestatis honorisque sui dignitate careat reumque se divino judicio existere de perpetrata iniquitate cognoscat et a sacratissimo Corpore ac Sanguine Dei et Domini Redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco sua jura servantibus sit pax Domini nostri Jesu Christi quatenus et hic fructum bone actionis percipiant et apud strictum Judicem premia eterne pacis inveniant Amen Ego Alexander Catholice Ecclesie Episcopus Ego Hubaldus Presbyter tit sancte Crucis in Hierusalem Ego Gregorius Sabinensis Episcopus Ego Joannes Presbyter Cardinalis tit sancte Anastasie Ego Albertus Presb Card tit sancti Laurentii in Lucina Ego Guillelmus Presb Card tit sancti Petri ad vincula Ego Hubaldus Hostiensis Episcopus Ego Bernardus Portuensis Episcopus Ego Gualterius Albanensis Episcopus Ego Hyacintus Diaconus Card sancte Marie in Cosmidin Ego Oddo Diac Cardinalis S Nicolai in carcere Tulliano Ego Ardicis Diaconus Card S Theodori Ego Euthyus Diac Card S Adriani Ego Joannes Diaconus Cardinalis sancte Marie in Porticu Datum apud montem Pessulanum per manum Armani sancte Romane Ecclesie Subdiaconi et Notarii XI Kalendas Juni indictione X Incarnationis Dominice anno millesimo centesimo sexagesimo secundo Pontificatus vero Domini Alexandri Pape III anno tertio