Charter Document - 02184191
| Charter Number: | 02184191 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1157 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Anno glorifice Christi incarnationis MCLVII regnante invicto rege Willelmo indictione VI ego Daniel Chepheri electus consensu et voluntate fratrum subscriptorum precibusque domini Renaldi de Tusa concessi ecclesie Cluniacensi ecclesiam Sancte Marie cum omnibus pertinentiis suis que est apud Majorem Montem ut eam eterno jure possideat sine calumpnia mei successorumque meorum hac conditione quod singulis annis in festo sancti Salvatoris pro recognitione et reverentia presententur ecclesie Chepheri due libre cere et una incensi per priorem de Sach vel per unum de cappellanis suis et reverentiam cum debito honore exibeat Sancti Salvatoris prelato ceterisque fratribus Hanc donationem + ego Daniel electus faciens meo signo confirmo datisque testimonium perhibeo + Ego Hodo canonicus et prior claustri donum laudans confirmo + Ego Guido canonicus et cellerarius testis sum + Ego Halardus canonicus testis sum + Ego Johannes de Monte Corbino canonicus testis sum + Ego Petrus de Sach canonicus testis sum + Ego Hugo canonicus testis sum + Ego Willelmus Provenzanus canonicus testis sum + Ego Petrus canonicus testis sum + Ego Thomas canonicus testis sum + Ego Willelmus canonicus testis sum + Ego Gilibertus canonicus testis sum + Ego Boso Chepheri electus predictam concessionem concedo et confirmo