Charter Document - 02184173
| Charter Number: | 02184173 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1154 |
| Date type: | Internal, A.D., Calendar, Papal |
| Resource Link(s): |
CCE: cartae cluniacenses electronicae |
Charter:
Anastasius Episcopus servus servorum Dei venerabili fratri Alano Altisiodorensi Episcopo ejusque successoribus canonice substituendis in perpetuum Que a predecessoribus nostris per judicium vel concordiam acta esse noscuntur in sua volumus stabilitate persistere et ut imposterum robur obtineant confirmationis nostre munimine roborari eapropter dilecte in Domino fili Alane Episcope tuis justis petitionibus gratum accommodantes assensum concordiam quam predecessor noster sancte memorie Papa Eugenius super controversia que agitabatur de Monasterio beati Germani inter Hugonem bone memorie predecessorem tuum et dilectum filium nostrum Petrum Cluniacensem Abbatem et Monachos S Germani fecisse dignoscitur nos ejus vestigiis inherentes Apostolice Sedis auctoritate firmamus precipientes ut in Abbatia sancti Germani sine Cluniacensis Abbatis consilio Abbas nullatenus eligatur electum vero approbandi vel reprobandi canonice et si dignus fuerit in Abbatem benedicendi tam tu quam successores tui habeatis liberam facultatem Benedictus autem obedientiam Episcopo Altisiodorensi promittat Depositio quoque ipsius si talis [quod absit] apparuerit judiciatio ordine facienda et tam Abbatis quam Monachorum canonica correctio ad te nihilominus pertinebit chrisma oleum sanctum consecrationes altarium vel basilicarum ordinationes Monachorum vel clericorum qui ad sacros ordines fuerint promovendi Abbas et Monachi sancti Germani ab Altisiodorensi Episcopo tanquam a Diecesano accipiant donec gratiam Apostolice Sedis habuerit Preterea memorati predecessoris nostri Pape Eugenii statuta sequentes presentis scripti pagina confirmamus ne quod a prefato Cluniacensi Abbate de investitura per baculum ipsi Abbati sancti Germani factum est tibi et Ecclesie tue imposterum prejudicium faciat vel aliquod inferat detrimentum et ne de cetero Abbas sancti Germani a Cluniacensi Abbate investituram per baculum suscipiat prohibemus Si quis igitur hujus confirmationis nostre paginam scnies contra eam temere venire tentaverit honoris et officii sui periculum patiatur aut extrema ultione plectatur nisi presumptionem suam digna satisfactione correxerit Ego Anastasius Catholice Ecclesie Episcopus Ego B Presbyter Cardinalis tit Calixti Guido Presbyter Cardinalis tit S Grisogoni Vmbaldus Presb Card tit S Praxedis Albericus Presb Card tit S Anastasie Julius Presb Card tit S Marcelli Jordanus Presb Card tit SS Susanne et Felicitatis Ego B Presb Card tituli sancti Stephani de monte Celio Joannes Presb Card SS Joannis et Pauli tit Pammachii Joannes Presb Card tit SS Sylvestri et Martini Imarus Tusculanus Episcopus Hugo Hostiensis Episcopus Censius Portuensis Episcopus Gregorius Diac Card et Electus Sabinensis Rodulphus Card tit S Lucie in Septa Guido Diac Card S Marie in Porticu Joannes Diac Card SS Sergii et Bacchi Odo Diac S Nicolai in carcere Tulliano Datum Laterani per manum Rolandi Romane Ecclesie Episcopi Cardinalis et Cancellarii VII Kalendas Maii indict II Incarnationis Dominice anno MCLIV Pontificatus vero Domni Anastasii IV Pape anno primo