Charter Document - 02184171

Anastasius Episcopus servus servorum Dei dilectis filiis Theobaldo Priori de Prato sancte Marie ejusque fratribus tam presentibus quam futuris regularem vitam professis in perpetuum Religiosis desideriis dignum est facilem prebere consensum ut fidelis devotio celerem sortiatur effectum Ea propter dilecti in Domino filii vestris justis postulationibus clementer annuentes prefatum Monasterium in quo divino mancipati estis obsequio sub beati Petri et nostra protectione suscipimus et presentis scripti privilegio communimus statuentes ut quascumque possessiones quecumque bona idem Monasterium impresentiarum juste et canonice possidet aut in futurum concessione Pontificum largitione Regum vel Principum oblatione fidelium seu aliis justis modis Deo propitio poterit adipisci firma vobis vestrisque successoribus et illibata permaneant In quibus hec propriis duximus exprimenda vocabulis Burgum in quo ipsum Monasterium situm est cum monte Cusio et cum omnibus aliis appendiciis suis et quicquid Parochialis beneficii totius Parochie castri Donziacensis et ville sancte Marie de Prato cum capella de Bronzilia et omnibus que in villa illa et in aliis circumpositis villulis habeatis quicquid habetis de jure Parochiali in villa de Poniaco et quibusdam aliis circumjacentibus villulis medietatem decime totius Parochie vestre totam decimam minutam de agnis et lana ville vestre capellam sancte Marie de castro Donziaco cum domibus sibi contiguis in quibus Presbyter habitat vitalis medietatem salis de foro ejusdem castri Donziaci Ecclesiam sancti Martini cum medietate decime Mansi Merilli medietatem silve totius territorii de Lueth cum decima que fuit Bernardi de Galis duo molendina et unum [] ad Pontem duas partes molendini de Bumont tam de Annona quam de Piscatione duo molendina nova molendinum Albicastelli terram sancti Martini terram Tripaldi decimam de Cartis cum illa que fuit Arnulfi decimam Chevenci decimam de Bergenis decimam Paludis nemus quod dicitur Chassaneium silvam que dicitur Solua clausum de Viliscordon cum usu silve ipsi contigue ad opus clausi et domorum que ibi sunt et alia omnia que ibi habetis villam de Bretinolis cum omnibus pertinentiis suis et jure Parochiali quod in ea habetis decimam de Cavannis medietatem decime furni de Maanes quicquid habetis apud Fontanas villam de Fontaneio cum omnibus pertinentiis suis Ecclesiam de Pomeo cum medietate omnium redituum ipsius quicquid habetis apud Valcheri quicquid habetis apud Melcharaldum quicquid apud villam Generiam quicquid apud Vlmos silvam que dicitur Fais Ecclesiam de Bois cum medietate census ejusdem ville omnes etiam decimas quas in Parochia illa habetis et in aliis appendiciis suis duas partes decime minute ejusdem Parochie de agnis et lana et porcis villam de Villader cum omnibus appendiciis suis capellam sancti Martini duas vineas quas habetis in valle de Aliniaco cum pratis et aliis que in ea habetis obedientiam de Chasneio cum omnibus appendiciis suis et villa de Belregart Ecclesiam S Cirici cum medietate omnium redituum ipsius obedientiam de Molummis que est de vestro Alodio cum omnibus appendiciis suis Ecclesiam ejusdem ville in qua omnium redituum medietatem habetis territorium de Maort obedientiam de valle Dosia cum silvis pratis molendino et omnibus aliis appendiciis que omnia sunt de vestro Alodio medietatem decime ejusdem ville in qua omnium redituum medietatem habetis Ecclesiam de Colummeria In Episcopatu Eduensi obedientiam de Luciaco cum pratis piscationibus molendino pascuis etiam per omnia prata illius riparie omni tempore ad equitaturas Prioris ejusdem loci vobis nihilominus confirmamus Ecclesiam ejusdem ville cum medietate omnium redituum ipsius et quibusdam decimis et quicquid habetis apud Cervonem Preterea libertatem quam in temporalibus rebus habetis et omnia illa que ex donatione bone memorie Hervei Domni Donziaci Monasterium vestrum habere dignoscitur quemadmodum in scripto donationis ejus continetur vobis auctoritate Apostolica confirmamus Rationabiles autem et antiquas consuetudines quas Monasterium vestrum habere dignoscitur vobis nihilominus confirmamus Ad hec presenti decreto firmiter prohibentes adjungimus ut res et bona Presbyterorum vestrorum que ex beneficiis Ecclesiarum que ad vos pertinent adquisierunt Episcopi vel eorum Vicarii seu quilibet alii exceptis illis quas eis Episcopi sponte dimiserunt accipiendi vel vobis auferendi non habeant facultatem Adjicientes itaque statuimus ut nulli Episcopo liceat pro excessu vestro vel illorum qui ad vos pertinent terras vel Ecclesias vestras sub interdicto ponere seu quod vestri juris est violenter auferre donec in presentia ejusdem Episcopi vel Metropolitani parati eritis justitiam exhibere Sancimus etiam et Apostolice Sedis auctoritate statuimus ut de infractura Cimeterii vestri nullus nisi vobis et Ecclesie vestre respondeat Ecclesie vero vestre seu Capelle libere sint et omnis exactionis immunes preter consuetam Episcopi Paratam et justitiam in Presbyteros qui adversus sui ordinis dignitatem offenderint salva nimirum Apostolice Sedis auctoritate et Diocesani Episcopi canonica justitia Liceat quoque vobis in Ecclesiis vestris Presbyteros eligere ita tamen ut ab Episcopis animarum curam absque venalitate suscipiant et Episcopo de plebis quidem cura respondeant pro vero rebus temporalibus ad ipsum Monasterium pertinentibus debitam vobis subjectionem exhibeant Sane laborum vestrorum quos propriis manibus aut sumptibus colitis sive de nutrimentis vestrorum animalium nullus a vobis presumat decimas exigere Decernimus ergo ut nulli omnino hominum liceat prefatum Monasterium temere perturbare aut ejus possessiones auferre vel ablatas retinere minuere seu quibuslibet vexationibus fatigare sed omnia integra conserventur eorum quorum gubernatione ac sustentatione concessa sunt usibus omnimodis profutura salva Cluniacensis Abbatis in omnibus obedientia ad cujus jus et proprietatem Monasterium vestrum pertinere dignoscitur Si qua igitur in futurum Ecclesiastica secularisve persona hanc nostre constitutionis paginam sciens contra eam temere venire tentaverit secundo tertiove commonita nisi reatum suum congrua satisfactione correxerit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo Corpore ac Sanguine Dei et Domini Redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco justa servantibus sit pax Domini nostri Jesu Christi quatinus et hic fructum bone actionis percipiant et apud districtum Judicem premia eterne pacis inveniant Amen Ego Anastasius Catholice Ecclesie Episcopus Ego Gregorius Presbyter Cardinalis tit Calixti Ego Imarus Tusculanus Episcopus Ego Hugo Ostiensis Episcopus Ego Censius Portuensis Episcopus et S Rufine Ego Odo Diaconus Cardinalis sancti Georgii ad velum aureum Ego Radulfus Diaconus Cardinalis sancte Lucie in Septa Ego Guido Diaconus Cardinalis sancte Marie in Porticu Ego Joannes Diaconus Cardinalis sanctorum Sergii et Bachi Ego Odo Diaconus Cardinalis sancti Nicolai in carcere Tulliano Ego Hubaldus Presbyter Cardinalis tit sancte Praxedis Ego Manfredus Presbyter Cardinalis tit sancte Savine Ego Guido Presbyter Cardinalis tit Pastoris Ego Jordanus Presbyter Cardinalis tit sanctarum Susanne et Felicitatis Ego Octavianus Presbyter Cardinalis tit sancte Cecilie Ego Astaldus Presbyter Cardinalis tit sancte Prisce Ego Gerardus Presbyter Cardinalis tit S Stephani in monte Celio Ego Henricus Presbyter Cardinalis tit SS Nerei et Achillei Ego Joannes Presbyter Cardinalis SS Joannis et Pauli tit Pammachii Datum Laterani per manum Rolandi sancte Romane Ecclesie Presbyteri Cardinalis et Cancellarii XII Kalendas Maii indictione II Incarnationis Dominice anno MCLIV Pontificatus vero Domni Anastasii IV Pape anno primo