Charter Document - 02184170
| Charter Number: | 02184170 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1154 |
| Date type: | Internal, A.D., Calendar, Papal |
| Resource Link(s): |
TELMA - Aposcripta TELMA - Chartae Galliae CCE: cartae cluniacenses electronicae |
Charter:
Anastasius Episcopus servus servorum Dei dilecto filio Petro Cluniacensi Abbati salutem et Apostolicam benedictionem Quotiens aliqua negotia ordine judiciario in nostra presentia terminantur ne in dubium veniant que geruntur rationabile est ea pro securitate partium litterarum memorie commendare Pro controversia siquidem que inter dilectum filium nostrum Eustorgium Abbatem de Miratorio et fratres tuos Gigniacenses super damnis ei a fratribus ipsis illatis agitabatur tam tu quam ipse Abbas in nostra presentia convenistis et causa ipsa coram nobis et fratribus nostris diutius tractata et diligenter discussa est Auditis itaque utriusque partis allegationibus ac rationibus plenaria intellectis participato fratrum consilio judicavimus ut predictus Abbas de Miratorio decem et septem millia solidorum Lugdunensis monete quos licet pro pace violenter tamen ei donaveras usque ad primas Augusti Kalendas absque contradictione tibi et Monasterio tuo restituat Postmodum vero ea que per eosdem fratres Gigniacenses ablata sunt judicio dilecti filii nostri Odonis Diaconi Cardinalis Apostolice Sedis Legati restitui facias damna quoque illata eidem Abbati resarciri vel de ipsis ei justitiam precipimus nihilominus exhiberi Nulli ergo omnino hominum fas sit hujus nostre diffinitionis sententiam temerario ausu infringere seu modis quibuslibet perturbare Si quis autem id attentare presumpserit nisi secundo tertiove commonitus presumptionem suam digna satisfactione correxerit honoris sui periculum patiatur vel excommunicationis pena mulctetur Ego Anastasius Catholice Ecclesie Episcopus Ego Gregorius Presbyter Cardinalis tituli Calixti Ego Imarus Tusculanus Episcopus Ego Odo Diaconus Cardinalis Sancti Georgii ad velum aureum Ego Censius Portuensis Episcopus et silve candide Ego Rodulfus Diaconus Cardinalis sancte Lucie in Septa Ego Guido Diaconus Cardinalis Sancte Marie in Porticu Ego Odo Diaconus Cardinalis Sancti Nicolai in carcere Tulliano Ego Hubaldus Presbyter Cardinalis tituli Sancti Praxedis Ego Manfredus Presbyter Cardinalis Sandte Savine Ego Julius Presbyter Cardinalis tituli Sancti Marcelli Ego Bernardus Presbyter Cardinalis tituli Sancti Clementis Ego Guido Presbyter Cardinalis tituli Pastoris Ego Aribertus Presbyter Cardinalis tituli Sancte Anastasie Ego Jordanus Presbyter Cardinalis tituli Sancte Susanne Ego Astaldus Presbyter Cardinalis tituli Sancte Prisce Ego Gerardus Presbyter Cardinalis tituli Sancti Stephani in Celio monte Ego Octavianus Presbyter Cardinalis tituli Sancte Cecilie Ego Guido in Romana Ecclesia Ego Joannes Diaconis Cardinalus Sanctus Sergii et Bacchi Ego Joannes Presbyter Cardinalis Sanctus Joannis et Pauli tituli Pammachi Ego Joannes Presbyter Cardinalis tituli Sanctus Silvestri et Martini Datum Laterani per manus Rolandi sancte Romane Ecclesie Presbyteri Cardinalis et Cancellarii xiv Kalendas Martii indictione ii Incarnationis Dominice anno MCLIV Pontificatus vero Domni Anastasii iv Pape anno primo