Charter Document - 02184165
| Charter Number: | 02184165 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1152 |
| Date type: | Internal, A.D., Episcopal, Regnal |
| Resource Link(s): |
CCE: cartae cluniacenses electronicae |
Charter:
In nomine sancte et individue Trinitatis Ego Sanson divina miseratione Remorum archiepiscopus universis sancte matris ecclesie filiis tam presentibus quam futuris in perpetuum Ne oblivione pereat quod expedit reminisci litterarum apicibus mandari jussimus quod Manasses filius Johannis et Helvidis uxor ejus et Adelaidis quondam uxor Eustachii cum filiis suis Hugone scilicet et Eustachio et filia Agne partem quam in molendinis apud Turrim super Maternam habebant ecclesie Sancti Genesii et monachis Cluniacensibus ibidem Deo servientibus sub annuo censu decem modiorum annone et semis et centum quinquaginta anguillarum sibi et successoribus suis perpetuo tenendam concesserunt ita quod Manasse tres modios frumenti et quatuor modios avene necnon et Adelaidi et filiis suis duos modios avene et modium frumenti et dimidium annuatim persolverent Statutum etiam et concessum est ut bannus et justitia et quicquid ad predictos molendinos pertinet in manu monachorum sine aliqua contradictione sit Hoc aliquando Eustachius infringere conatus est et ecclesiam ex parte vexavit sed postmodum ad se rediens injusticiam suam recognovit et ita immobiliter manere sicut constitutum esse prediximus per manum nostram perpetuo concessit medietatem partis que ad eum pertinet duorum videlicet modiorum avene et modii dimidiique de tritico in festo beati Andree alteram vero medietatem in festo beati Johannis recepturus Hec presentibus litteris mandata ut inconvulsa permaneant sigilli nostri impressione corroborari fecimus et idoneorum testium nomina subscribi precepimus Hugo abbas Sancti Remigii Johannes abbas Sancti Nicolai Odo abbas Sancti Dyonisii Boso archidiaconus Drogo prepositus Leo decanus Gregorius cantor Constantinus et Henricus presbyteri Rogerus et Guido et Boso subdiaconi Stephanus decanus Paganus de Fimiis Dudo prepositus Erlaudus et Eurardus fratres Actum Remis anno incarnati Verbi MCLII indictione XIIII regnante Hludovico Francorum rege anno XV archiepiscopatus autem domni Sansonis anno XII Robertus cancellarius recognovit scripsit et subscripsit