Charter Document - 02184142

Notum sit omnibus fidelibus Dei quod ego Henricus Dei gratia Wintoniensis episcopus rediens a Roma Cluniacum et cognoscens quod eadem ecclesia Cluniacensis involuta et impedita esset debitis et usuris pondere et numero duorum milium marcarum argenti pro Dei amore et anime mee salute ad ipsam expediendam et liberandam domno Petro abbati et conventui ejusdem ecclesie accommodavi mille uncias auri tam in auro quam etiam in argento tali tenore quod ipse abbas et fratres ecclesie reddent mihi unoquoque anno centum uncias puri auri quousque predicte mille uncie ex integro michi persolvantur Si vero interim ab hac vita me recedere contigerit quicquid de predicto debito fuerit sive remanserit prefate ecclesie dono et concedo Concessi etiam eis quod ad eandem expeditionem et deliberationem sumerent aurum quo magna crux et imago ejus sumptibus meis et munere meo ornate erant scilicet quingentas uncias auri tali conditione quod unoquoque anno a predicto abbate et fratribus sexaginta uncie optimi auri ad prenominate crucis reparationem reddentur quousque eadem eodem modo et pondere quo fuerat reparetur et perficiatur Hanc conventionem predictus abbas cum priore et omnibus fratribus promiserunt michi in veritate se observaturos Prenominate vero peccunie scilicet mille uncie auri que michi reddende sunt et sexaginta uncie ex quibus crux reparari debet singulis annis in Quadragesima reddentur scilicet unoquoque anno in octabis Pasche ex integro persolvende Quod si predicta pecunia eodem modo et eodem termino quo prescriptum est soluta non fuerit burgenses qui hanc conventionem firmiter observandam juraverunt infra murum interius quo ecclesia et claustrum clauditur in captione se ponent nec exinde egredientur quousque pecunia sicut predictum est persolvatur Promisit etiam michi abbas cum fratribus quod si me ab hac vita migrare contingeret antequam crux sicut prescriptum est reparata esset non ideo opus crucis reficiende mutaretur vel differretur nec ipsa crux nec cuppa aurea cum gemmis in qua corpus Domini reconditur neque scutella greci operis neque urceus neque Constantinus argenteus neque pannus altaris auro intextus aliquo modo ab ecclesia auferrentur Ex parte episcopi testes fuerunt magister Willelmus Lugdunensis Guazo archidiaconus Rodulfus clericus Willelmus et Robertus capellani Walterius clericus Richardus cocus Henricus Guarellus Adam filius Azonis et alii plures Ex parte autem abbatis et conventus Hermannus prior Petrus subprior Robertus camerarius et Inbertus socius ejus Enguizo camerarius abbatis Ademarus sacrista Savericus elemosinarius et alii plures Nomina vero burgensium qui juraverunt hec sunt Rodulfus de Charolos Johannes Couredius Bernardus Colungerius Meschinus Nivernensis Blancardus mercator Philippus de Avinnai David de Bosco Stephanus Quailot Blanchet Durannus mercator Seguinus Letaldus Arnaldus Gaufridus Cheverus Petrus de Bello Monte Seguinus Raimmundus Stephanus Beslunc Winebaldus Petrus Burdinus Silvester Anno ab incarnatione Domini MCXL nono facta fuit hec conventio inter dominum Henricum Wintoniensem episcopum et domnum Petrum Cluniacensem abbatem et conventum in capitulo Cluniacensi prima vero Quadragesima sequenti incipient pecuniam reddere sicut prescriptum est