Charter Document - 02184140
| Charter Number: | 02184140 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1149 |
| Date type: | Internal, A.D., Calendar |
| Resource Link(s): |
CCE: cartae cluniacenses electronicae |
Charter:
Que alta temporum profunditate in oblivionem devocari pertimescimus presenti scripto memorie posterorum commendare gaudemus Notum itaque fiat quod Hugo de Calmonte pro remedio anime sue quicquid in villa de Lurciaco juste vel injuste possidebat seu nomine garde vel quolibet alio titulo Deo et ecclesie Cluniacensi donavit ceteraque beneficia que Aicardus de Montemerulo et Girberga soror ejus et Fulcardis mater eorum pro salute animarum suarum eidem ecclesie Cluniacensi contulerant donavit et concessit quicquid videlicet in villa de Licrans habebant et mansum de Coet cum appendiciis suis et mansum de Verzil cum appendiciis suis Hoc autem Guillerma soror predicti Hugonis et Hugo de Roorterio filius ejus laudaverunt et confirmaverunt Nihilominus manifestum fieri volumus quod predicta Guillerma pro requie eterna habenda in die obitus Deo et Cluniacensi ecclesie donavit quicquid in villa de Sapes et in appendiciis ejus habebat et columgiam de Ibleris cum appendiciis suis et mansum de Veteri Curia cum appendiciis suis et mansum de Morons quod eis in vita sua pro octo libris obligaverat ea videlicet pactione ut quadringentos solidos Hugoni Palatino pro debitis suis et Hugoni de Calmonte solvendis redderent quod ita factum est Sciendum vero est quod predictus Hugo de Roorterio antequam hanc donationem in manu domini Humberti Lugdunensis archiepiscopi et presentia ipsius capituli laudare vellet quemadmodum se facturum promiserat sex libras a prefata Cluniacensi ecclesia habuit Quibus susceptis in manu domini Humberti prefati Lugdunensis archiepiscopi hoc donum nihil ibi retinens laudavit et concessit et hanc cartam sigillo domini archiepiscopi et sigillo Lugdunensis ecclesie muniri precepit Hujus rei testes sunt Eraclius archidiaconus Petrus Berardi Johannes archipresbyter de Sandrans Robertus presbyter de Saviniaco Hugo de Valens Willermus de Chaloutis Petrus Rufus de Chavaliaco Petrus Guichardi Hugo Palatinus Hugo de Sayo Hugo de Marchia Robundus de Molun Gaufredus Martini Petrus de Vissiliaco prior Montis Bertrandi Guido de Marchia monachus Bernardus de Sandrens monachus Bernardus de Vilula monachus Quod autem hec carta in capitulo Lugdunensi ab Hugone de Roorterio laudata et confirmata sit testes sunt Mallenus decanus Gerinus precentor Gerinus senescalcus Guido sacrista Poncius magister Aimo de Rivoria Hugo Oliverius Petrus archipresbyter de Raseio Petrus de Borbone et plures alii Hoc autem factum est anno ab incarnatione Domini MCXLVIIII pridie nonas novembris