Charter Document - 02184124
| Charter Number: | 02184124 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1147 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Eugenius Episcopus servus servorum Dei venerabilibus fratribus P Matisconensi et G Cabilonensi Episcopis salutem et Apostolicam benedictionem Dilectus filius noster Petrus Cluniacensis Abbas ad nostram presentiam veniens querelam deposuit quod G Grossus secundum quod jurisjurandi religione firmavit in contemptum Christiane fidei judicio fratris nostri A Lugdunensis Archiepiscopi noluerit obedire Quia igitur transgressores laicos cohibere non est contra leges agere sed legi ferre subsidium per presentia vobis scripta mandamus quatinus memoratum G diligenter et sollicite moneatis ut secundum sententiam memorati fratris nostri de illatis injuriis Cluniacensi Abbati et fratribus satisfaciat et ab illicitis exactionibus desistat Quod si facere contempserit in eum excommunicationis et in terram ejus interdicti sententiam proferatis Datum Antissiodori X Kalendas Septembris