Charter Document - 02184122
| Charter Number: | 02184122 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Confirmation |
| Date: | 1147 |
| Date type: | Internal, A.D., Calendar |
| Resource Link(s): |
CCE: cartae cluniacenses electronicae |
Charter:
Ego Willelmus Masticonensis comes et Burgundie notum facio cunctis legentibus ista dominum papam Eugenium secundum dedisse domino Petro Cluniacensi abbati ejusque successoribus et Cluniacensi ecclesie in perpetuum abbatiam de Balma cum appendiciis suis omnibus in prioratum Quod donum ego Willelmus comes pro salute anime mee et parentum meorum et pro reformatione religionis que in loco illo valde deperierat mandato jam dicti domini pape laudante hoc idem et confirmante Poncia comitissa uxore mea et filiis meis Stephano et Gerardo laudavi et quantum ad me spectare videtur in capitulo Cluniacensi presente supradicto domino Petro abbate et conventu fratrum plurimo confirmavi Insuper per me ipsum eundem dominum Petrum abbatem et fratres ejus de monasterio Balmensi investivi et ad posterorum notitiam cartam hanc sigillo proprio roborari precepi Testes laudationis illius quam in capitulo feci sunt hii Guido de Losiaco Willelmus de Branciduno Guido de Capella et duo filii ejus Bermundus videlicet et Jocerandus Paginus de Cassiaco Bernardus Paganus Stephanus de Basiniaco Thomas de Marliacho et Stephanus frater ejus Testes autem investitionis sunt hii Aimo prepositus Ledonensis Aimo major Johannes Conredus Malaspina filius comitis Hec omnia que supra dicta sunt ego Vilelmus comes feci salvi omnibus usibus meis et omnibus illis die illo quo hec carta facta fuit investitus eram Acta sunt hec anno ab incarnatione Domini MCXLVII Ludovico juniore rege Francorum eunte super Saracenos cum multa manu comitum et procerum XVIII kal julii