Charter Document - 02184113

Eugenius episcopus servus servorum Dei charissimo filio in Christo Petro Cluniacensi abbati ejusque successoribus regulariter substituendis in perpetuum Cum omnibus sancte Ecclesie filiis ex apostolice sedis auctoritate ac benevolentia debitores existamus venerabilibus tamen personis atque locis maxime que sedi apostolice semper specialius ac devotius adheserunt queque ampliori religione eminent propensiori nos convenit charitatis studio munire Predecessores siquidem nostri sancte recordationis Joannes videlicet xi item Joannes xix Agapitus Benedictus vi item Benedictus vii Leo vii item Leo ix Gregorius vi item Benedictus vii Leo vii item Leo ix Gregorius vi item Gregorius vii Alexander ii Stephanus Victor iii Urbanus ii Paschalis ii Gelasius ii Calixtus ii Honorius ii Lucius ii Ecclesie Romane pontifices Cluniacense monasterium singularis dilectionis ac libertatis prerogativa donarunt et universa ei pertinentia privilegiorum suorum sanctionibus muniverunt [Quorum nos vestigiis inherentes statuimus ut Ecclesie omnes Cimiteria Monachi Clerici et Laici universi infra terminos habitantes qui sunt a Rivo de Salnay et ab Ecclesia Ruffiaci et Cruce de Lornant a termino quoque Molendini de Tornesac per Villam que dicitur Varengia cum nemore Rurserio a termino etiam qui dicitur Perois ad Rivum usque de Salnay sub Apostolice tantum sedis jure ac tuitione permaneant Neque ipsius Cluniacensis loci Presbyteri aut etiam Parochiani ad cujuslibet nisi Romani Pontificis et Cluniacensis Abbatis cogantur ire Synodum vel Conventum Sane pro Abbatis Monachorum seu Clericorum infra predictos terminos habitantium ordinatione pro chrismatis confectione pro sacri olei Ecclesiarum Altarium et Cimiteriorum consecratione Cluniacense Monasterium quem maluerit Antistitem convocet Sane terminos immunitatis loci vestri qui a predecessore nostro felicis memorie Vrbano Papa constituti sunt presentis Decreti nostri pagina confirmamus Ne videlicet ullus homo cujuscumque conditionis ac potestatis invasionem predam aut rapinam facere sive homicidium perpetrare presumat infra ipsorum limites terminorum Itaque termini sacri Banni sunt hi versus Berziacum terminus est ad bivium citra Sarratam unde una via venit ad Clun altera ad Masilias In strata versus Bellumjocum terminus est contra Quarruvium quod est desuper Molendinum Celletarii Cluniacensis citra Viengias Vltra Cluniacum versus Masilias terminus est ad Bivium unde una via tendit ad Masilias altera ad sanctam Mariam de Bosco Super Ruffiacum terminus est ad summitatem defensi ad Bivium unde una via tendit ad Bezorniacum altera ad Carellam Versus Setgiacum terminus est intra Quarruvium citra locum ubi dicunt ad Turgam In Strata versus Cabilonensem pagum terminus est ad Grossam Cassaniam super Marziacum Versus Brancedunum terminus est invia super Boscum Bannedum Versus Trenorchium terminus est super Rivulum quem dicunt longam Aquam inter Blanoscum et Donziacum Versus Perronam vel Laysiacum terminus est ad tres Fagos ubi partiuntur vester Boscus de Cluniaco et Boscus Comitalis Versus Igiacum terminus est ad Carmos super Montem medium In Abbatiis que cum suis Abbatibus ordinationi Cluniacensis Monasterii date sunt videlicet sancti Martialis Lemovicensis sancti Eparci Engolismensis Monasterii novi Pictavis sancti Joannis Angeriacensis Monasterii Lezatensis Moysiacensis Figiacensis in Caturcensi pago in Arvernia Mauziacensis Thiernensis Menatensis In Episcopatu Eduensi Vizeliacensis in Autisiodorensi sancti Germani in Cameracensi Hunostheurtis in Rothomagensi Abbatia apud Pontisaram in Tarvanensi sancti Wlmari sine Cluniacensis Abbatis consilio Abbas nullatenus eligatur Ad hec adjicimus ut in omnibus Prioratibus et Cellis que nunc sine proprio Abbate vestro regimini subjecte sunt nullus futuris umquam temporibus Abbatem ordinare presumat Sed tam Prioratus ipsi et Celle quam et cetera in quibuslibet locis omnia quibus Cluniacensis Ecclesia Arvernensis Concilii quod per supra dictum Urbanum Papam celebratum est tempore investita erat de quibus tunc nulla questio mota est tam tibi quam successoribus tuis in pace semper et quiete serventur Pro Altaribus et Ecclesiis sive decimis vestris nulli Episcoporum facultas sit gravamen aliquod vobis aut molestias irrogare sed sicut eorum permissione quedam ex parte quedam ex integro habuistis ita in futurum habeatis Ecclesiarum vestrarum decimas que a laicis obtinentur si secundum Deum eorum potestati subtrahere vestre religionis reverentia poterit ad vestram et pauperum gubernationem vobis liceat possidere Decimas laborum vestrorum pro quibus tam vos quam alios Monastice religionis viros inquietare Episcopi consueverunt illorum videlicet quos Dominicaturas appellant qui vestro sumptu a Monasterii et cellarum vestrarum clientibus excoluntur sine omni Episcoporum et Episcopalium Ministrorum contradictione deinceps quieti habeatis qui vestra peregrinis fratribus et pauperibus erogatis Ecclesie omnes ubi libet posite sint seu Capelle vestre et Cimiteria libera sint et omnis exactionis immunia preter consuetam Episcopi paratam et justitiam in Presbyteros qui adversus sui ordinis dignitatem offenderint Liceat quoque vobis seu fratribus vestris in Ecclesiis vestris Presbyteros eligere ita tamen ut ab Episcopis vel Episcoporum Vicariis animarum curam absque venalitate suscipiant quam si committere illi [quod absit] ex pravitate noluerint tunc Presbyteri ex Apostolice Sedis benignitate officia celebrandi licentiam consequantur Ecclesiarum vero seu Altarium consecrationes si Dioecesani Episcopi gratis noluerint exhibere a quolibet Catholico suscipiatis Episcopo Nec cellarum vestrarum ubi libet positarum fratres pro qualibet vel excommunicatione interdictione divinorum officiorum suspensionem patiantur Sed tam Monachi ipsi quam et famuli eorum et qui se monastice professioni devoverunt clausis Ecclesiarum januis non admissis Dioecesanis divine servitutis officia celebrent et sepulture debita peragant Preterea quascumque possessiones quecumque bona idem Monasterium impresentiarum juste et canonice possidet aut in futurum concessione Pontificum liberalitate Regum largitione Principum oblatione fidelium seu aliis justis modis prestante Domino poterit adipisci firma tibi tuisque successoribus et illibata permaneant In quibus hec propriis duximus exprimenda vocabulis In Burgundia Ecclesiam de Villafranca Ecclesiam de Barberiaco Monasterium de Prinis In Francia Ecclesiam Montisdesiderii Ecclesiam de Dompetra In Provincia Monasterium juxta Montempessulanum In Tholosano Episcopatu Ecclesias sancte Columbe In Hispaniis Nazaram sanctum Isidorum sanctum Zoilum de Carrione sanctum Romanum de Pennis Villam viridem Villam frencam Vallem viridem Palumbarium Bodinum Vimeneriam sanctum Martinum de Nebda sanctum Vincentium de Salamantica sanctam Columbam de Burgis Cornilianam que proprie Monasterio Cluniacensi date sunt Item in Nivernensi Episcopatu Monasterium de Albiniaco quod ad Caritatem In Francia Monasterium de Causiaco quod ad sanctum Martinum de Campis canonicalem Ecclesiam de Abbevilla item Ecclesiam de Rua que ad Monasterium de Abbevilla pertinet Insulam Gravilonge cum pertinentiis suis Prohibemus autem ut infra Parochias ad jus Cluniacensis Monasterii pertinentes absque Cluniacensis Abbatis assensu nullus Ecclesiam vel Capellam edificare presumat salva in omnibus Sedis Apostolice auctoritate Decernimus ut nulli omnino hominum liceat prefatum Monasterium temere perturbare aut ejus possessiones vel bona auferre seu ablata retinere minuere aut aliquibus indebitis vexationibus fatigare sed omnia integra conserventur eorum pro quorum gubernatione et sustentatione concessa sunt usibus omnimodis profutura Si qua igitur in futurum Ecclesiastica secularisve persona hujus nostre constitutionis paginam sciens contra eam temere venire tentaverit secundo tertiove commonita nisi reatum suum congrua satisfactione correxerit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo Corpore et Sanguine Dei et Domini Redemptoris nostri Jesu Christi aliena fiat atque in extremo examine districte ultioni subjaceat Cunctis autem eidem loco justa servantibus sit pax Domini nostri Jesu Christi quatinus et hic fructum bone actionis percipiant et apud districtum Judicem premia eterne pacis inveniant Amen Amen Amen Ego Eugenius Catholice Ecclesie Episcopus Ego Conradus Sabinensis Episcopus Ego Albericus Hostiensis Episcopus Ego Ymarus Tusculanus Episcopus Ego Gregorius Presbyter Cardinalis tituli Calixti Ego Vuido Presbyter Cardinalis tituli sancti Grisogoni Ego Hubaldus Presbyter Cardinalis tituli sancti Praxedis Ego Hubaldus Presbyter Cardinalis tituli sanctorum Joannis et Pauli] Ego Gilbertus indignus sacerdos sancte Romane subscripsi Ego Eugenius Catholice Ecclesie episcopus subscripsi Ego Conradus Sabinensis episcopus subscripsi Ego Albericus Ostiensis episcopus subscripsi Ego Imarus Tusculanus episcopus subscripsi Ego Gregorius presbyter cardinalis tituli Calixti subscripsi Ego Wido presbyter cardinalis tituli Sancti Grisogoni subscripsi Ego Hubaldus presbyter cardinalis tituli Sancti Praxedis subscripsi Ego Hubaldus presbyter cardinalis tituli subscripsi Sanctus Joannis et Pauli subscripsi Ecclesie subscripsi Ego Guido presbyter cardinalis tituli Sanctorum Laurentii et Damasi subscripsi Ego Nicolaus presbyter cardinalis tituli sanctiu Ciriaci subscripsi Ego Manfredus presbyter cardinalis tituli sancte Savine subscripsi Ego Aribertus presbyter cardinalis sancti Anastasie subscripsi Ego Hubaldus presbyter cardinalis tituli sancti Crucis in Hierusalem subscripsi Ego Villanus presbyter cardinalis tituli sancti Stephani in Celio monte subscripsi Ego Bernardus presbyter cardinalis tituli sancti Clementis subscripsi Ego Jordanus presbyter cardinalis tituli sancti Susanne subscripsi Ego Odo diaconus cardinalis Sancti Georgii ad Velum Aureum subscripsi Ego Guido diaconus cardinalis Sanctorum Cosme et Damiani subscripsi Ego Octavianus diaconus cardinalis Sancti Nicolai in Carcere Tulliano subscripsi Ego Gregorius diaconus cardinalis Sancti Angeli subscripsi Ego Astaldus diaconus cardinalis Sancti Eustachii juxta templum Agrippe subscripsi Ego Joannes diaconus cardinalis Sancte Marie Nove subscripsi Ego Berardus diaconus cardinalis Sancte Romane Ecclesie subscripsi Ego Guido diaconus cardinalis Sancte Marie in Porticu subscripsi Ego Petrus diaconus cardinalis Sancte Marie in via Lata subscripsi Ego Cinthius diaconus cardinalis Sanctorum Sergii et Bacchi subscripsi Datum Transtiberim per manum Roberti Sancte Romane Ecclesie presbyteri cardinalis et cancellarii xv Kalendas Marti indictione ix Incarnatione Dominice MCXLV pontificatus autem domini Eugenii iii pape anno primo