Charter Document - 02184110
| Charter Number: | 02184110 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1146 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Sanctissimo Patri et Domino Eugenio divina electione Reverendissimo Pontifici et summo G Lemovicensis et Lambertus Engolismensis indigni et inutiles Ecclesie Dei Ministri salutem et pie devotionis obsequium et debitam subjectionem Controversia que inter Cluniacenses Monachos et Clericos de Rocaboviscurti super Ecclesia illius loci in vestra presentia agitata est et diligenter audita atque studiosius inquisita quoniam ex utriusque partis confessione Monachos in possessione ipsius Ecclesie fuisse cognovistis auctoritate sancte Paternitatis vestre rationabili equitate sic judicata est ut si ipsi Monachi duobus aut tribus idoneis testibus probare possent quod Clerici qui tunc erant in ipsa Ecclesia Monachos de possessione prefate Ecclesie violenter expulerint ipsa eis possessio restituatur Itaque ex Mandato sancte sublimitatis vestre Cluniacenses Monachos ex superabundanti et ejusdem Ecclesie Clericos ad certam diem et locum convocavimus et productis in medio testibus quantum debuimus separatim et diligenter auditis et rationabiliter inquisitis et examinatis ipsi testes qui Monachi erant per easdem syllabas et verba juraverunt super sancta Evangelia in nostra presentia quod Clerici qui tunc erant in ipsa Ecclesia quos nominatim expresserunt Monachos quos similiter nominaverunt se videntibus et audientibus de ipsa Ecclesia violenter expulerunt sicut completa sunt in vestra presentia De cetero valeat sancta Paternitas vestra in Domino multis diebus qui vos consolari dignetur in tribulationibus quas pro amore ejus patimini [] absque data