Charter Document - 02184106

Notum sit omnibus in manibus quorum hec carta pervenerit quod ego Amedeus Lugdunensis archiepiscopus apostolice sedis legatus domini pape urgente mandato venerabiles Cluniacenses fratres et Jocerannum Grossum ad diffiniendam controversiam que inter eos diu agitata fuerat ante meam evocavi presentiam Utraque itaque parte ante nos constituta allegaverunt Cluniacenses predictum Jocerannum in Cluniacensis ecclesie terris que sub ejus fuerant potestate graves injurias et exactiones fecisse hospitia que antecessores ejus in eis non habuerant violenter exegisse rapinis et talliis diversisque infestationibus eorum homines graviter oppressisse Econtra Jocerannus aiebat nil in eorum terris accepisse nisi ea que more consuetudinario antecessores sui in eis acceperant Auditis igitur utriusque partis rationibus et consilio religiosorum virorum Eraclii archidiaconi Willermi de Marzeu magistri Otmarii Girberti archipresbyteri testibus quos Cluniacenses produxerant diligenter prestito sacramento testificati sunt quod Jocerannus in predictis ecclesie terris nullam penitus vim nullasque exactiones de more inferre debebat Testimonio quorum Joceranni testes non contradixerunt Preterea ecclesie testes asseruerunt quod ipsis presentibus et audientibus Bernardus predicti Joceranni pater cum Ierosolymam in domum Hospitalis ubi se donaverat ire disponeret in Cluniacensium fratrum et aliorum multorum presentia non solum consuetudines ullas in predictis ecclesie terris se non habere asseruit verum etiam Joceranno et Henrico filiis suis qui presentes aderant ne injurias aliquas aut exactiones in prefatis ecclesie terris deinceps inferre presumerent evidenter precepit qui si ejus mandato non obedirent paternam hereditatem eis interdixit Quibus auditis et communicato illorum consilio qui ibidem nobiscum aderant per sententiam protulimus ut Jocerannus de illatis injuriis predictis fratribus satisfaceret et se a talibus exactionibus deinceps compesceret neque enim in terris eorum de more talem habebat potestatem