Charter Document - 02184105
| Charter Number: | 02184105 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Lay |
| Charter Type(s): | Concession |
| Date: | 1145 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
In nomine sancte individue Trinitatis Hato divina miseratione Trecensis Ecclesie minister humilis omnibus Catholica matris Ecclesia filijs in perpetuum Amicis sponsi vicarijs Iesu Christi hoc potissimum incumbit hoc pre omnibus est necessaria ut sponsam agni immaculati quam sanguine proprio sibi vendicavit quibus possunt modis confovendo studeant credite dispensationis honorificare ministerium Ea propter cum Ecclesia Trecensis in diebus sacerdotij nostri defectu et indigentia servitorum suorum miserabiliter esset attrita pie compassi fuimus non sine multo merore non sine multa cordis angustia Antique enim famosioris Ecclesie nobilitas data erat in contemptum gloria in confusionem filiorum frequentia super quorum assiduitate iocundari consueverat versa erat in solitudinem forinsecis quidem quos habebat Canonicos son que Dei sed que sua erant querentibus debiti servitij honorem matri sue nequaquam reddentibus Participato itaque cum sapientibus personis consilio post multas et a compluribus annis protractas Canonicorum nostrorum postulationes statuendo statuimus assentientes quod fecimus confirmante religioso ac venerabili viro Alberico Hostiensi Episcopo Sedis Apostolice Legato ut qui de cetero in Ecclesia nostra canonica rentur nisi ad Ecclesie servitium stationarios seipsos exhiberent nihil de prebendali beneficio preter xx solidos annis singulis acciperent exceptis dumtaxat Cluniacensibus quibus ad prefati Legati petitionem in Ecclesia nostra prebendam concessimus Preterea adjiciendo adjicientes prohibuimus sic umquam ulterius quacumque occasione vel pro qualibet persona de communitate fratrum singularis fieret vel daretur alicui prebenda Hoc autem totum ut non solum inter presentes sed etiam apud futuram posteritatem ponderis sui tenorem inrefragabiliter obtineret auctoritate Dei et Domini Legati et nostra voce propria fratribus uniuersis corde et ore consentientibus anathematis sententiam in eos promulgavimus qui quocumque tempore quocumque modo quod pietatis intuitu decrevimus permutarent aut quod absit in irritum revocarent salva nimirum Apostolice Maiestatis reverentia Presentem itaque paginam ad nostra constitutionis munimentum sigillo Domini Legali et nostro proprio et communi fratrum sigillo confirmantes roboravimus subscriptis personarum que interfuerunt et approbarunt nominibus Signum Domini Alberici Legali S Hatonis Episcopi S Theobaldi Abbatis S Columbe Senon S Guillermi de S Martino S Errardi de S Lupo et Hugonis de Criciaco Abbatum S Balduini Nouiomensis Decani S Odonis propositi S Manasse item Manasse Odonis Falconis Archidiaconorum et Burdini Guarueri Stephhani Presbyterorum S Petri Droconis Diaconorum S Tegerij Petri Guerrici Hilduini Subdiaconorum Actum Trecis in solemni Capitulo anno ab Incarnatione Domini MCXLV Gibuinus Cancellarius scripsit et recognovit