Charter Document - 02184101
| Charter Number: | 02184101 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1145 |
| Date type: | Internal, A.D., Episcopal, Regnal |
| Resource Link(s): |
CCE: cartae cluniacenses electronicae |
Charter:
S[amso] Dei gratia Remorum archiepiscopus universis ecclesie filiis in perpetuum Felicis memorie Lucius papa per apostolica scripta nobis mandavit quatinus ascito nobiscum venerabili confratre nostro N[icolao] Cameracensi episcopo et aliis discretis et religiosis viris si abbas Sancti Johannis de Valentianis ut ante ipsum papam asseruit privilegia authentica vel rationabilia argumenta concordie per predictum episcopum facte obviantia proferret causam ipsius et Hugonis prioris Sancti Salvii audiremus et remoto appellationis subterfugio media equitate diffiniremus alioquin eandem concordiam sicut per eundem episcopum facta est faceremus observari Nos itaque et predictum episcopum et abbatem Sancti Johannis et priorem Sancti Salvii ante nos evocavimus Abbas vero privilegia authentica vel rationabilia argumenta concordie per episcopum facte obviantia nequaquam protulit Ea propter apostolico mandato debitam exhibentes obedientiam concordiam per episcopum factam metropolitana auctoritate confirmamus predicto episcopo Cameracensi mandantes et precipientes ut eam inrefragabiliter observari faciat Ut autem hec nostra confirmatio pondus auctoritatis habeat et rata et inconvulsa maneat sigilli nostri impressione et probabilium personarum attestatione illam muniri precepimus S Gosleni Suessionensis episcopi S Bosonis archidiaconi S Leonis decani S Gervatii cantoris S Gregorii et Rogerii presbyterorum S Symonis Senonensis archidiaconi Drogonis et Guermundi diaconorum S Guidonis Rogeri et Bosonis subdiaconorum Actum Remis incarnati Verbi anno MCXLV indictione VII regnante gloriosissimo Francorum rege Ludovico anno VIII archiepiscopatus autem domni Sansonis anno VI