Charter Document - 02184092

In nomine sancte Trinitatis et individue unitatis anno Dominice incarnationis millesimo quadragesimo quarto epacta quarta decima indictione septima concurrente sexta Romane sedis summo pontifice Eugenio regnante Conrado Romanorum rege Ortliebo presidente cathedrali sede ecclesie Basiliensis Wernero comite regnante Alsatie ego Fridericus comes de Firretho cum uxore mea Stephania et filio meo Lodoyco Dei intuitu ductus locum qui Velpach dicitur cum appendiciis suis allodium etiam Hupoldesthiclon cum appendiciis suis ecclesiam Hupodesthiclon cum omni jure investure et dimidia decima allodium de Larga quod dedit Stephania de Hemniewilre Galfingen curtim de Sennenheim de Herbeheim de Muspach de Heroldespach de Suertzen de Struet de Franchon de Serdenere dimidia decima de Durlensdorf Deo et genitrici eius Marie et beato Jacobo apostolo pro remedio anime mee et parentum meorum libere contradidi ordinatis in eo monialibus secundum regulam beati Benedicti et Cluniacensium institutionum Deo servientibus retenta sane mihi advocatia et ei qui in posteritate mea provectioris etatis in castro Firretho sederit qui nec quemquam alium nisi seipsum in ea substituat nec hospitia nec aliud aliquod emolumentum a familia ecclesie exigere presumat preter tertiam partem vadii cum a priore loci propter aliquam querimoniam vocatus fuerit Porro ministerialium meorum seu liberorum hominum si quis ecclesie predicte allodium ab advocatia liberum donaverit mihi et successori meo hec advocatia ramaneat Si quis autem de familia mea vel illorum terra suum advocatum habentem eodem modo ecclesie contulerit ille advocatus advocatiam suam non perdat sed a me et successore meo eam suscipiet Abbas vero Cluniacensis priores religiosos servitio Dei et religioni providentes pro Dei amore in loco constituat nec eos absque conventus et advocati querimonia mutet nec in rebus ecclesie preter subjectionem monachorum atque monialium aliquid presumat sed omnia conservent inibi Deo servientium usibus omnimodis profutura Ut autem hec in posterum rata et inconcussa permaneant sigilli nostri impressione hanc cartam consigno orans Deum ut religio in eo sibi accepta perpetuo permaneat et omnibus benefactoribus ab ipso vita eterna donetur Ego Ortliebus episcopus Basiliensis hujus carte testis subscribo amen amen amen Hujus rei testes sunt Egilolfus abbas Murbacensis Christianus abbas Lucellensis Volmarus prior de Sancto Albano Rudolphus prior de Altechilchen Richardus prior de Frigido fonte Erchenfridus prior de Lucella Burchardus prior ipsius loci Rudolphus prepositus de Sancto Leonardo Volcherus prepositus de Oeleinberg Arnolfus presbyter de Hybwilr Albertus presbyter de Chesilacha Hugo archidiaconus Thitherus archidiaconus Billungus prepositus Sancti Ursicini Ulricus presbyter de Busweilr Werido presbyter de Firretho Cono et Hermannus fratres de Biderthama Richardus de Hasenburgk Otto de Firretho Hugo de Heytwilr Walo Reimboldus Ulricus milites de Firretho Fridericus archidiaconus de Metis episcopatu