Charter Document - 02184084
| Charter Number: | 02184084 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1144 |
| Date type: | Internal, A.D., Calendar, Papal |
| Resource Link(s): |
CCE: cartae cluniacenses electronicae |
Charter:
Lucius Episcopus servus servorum Dei dilecto filio Petro Cluniacensi Abbati ejusque fratribus tam presentibus quam futuris regulariter substituendis in perpetuum Quoniam sine vere cultu religionis nec charitatis unitas potest subsistere nec Deo gratum exhiberi servitium expedit Apostolice auctoritati religiosas personas diligere et religiosa loca maxime que beati Petri juris existunt et ad Romanam spectant Ecclesiam specialiter Sedis Apostolice munimine confovere et sua jura eis illibata servare Ea propter dilecti filii predecessoris nostri felicis memorie Pape Innocentii vestigiis inherentes vestris justis postulationibus gratum impertimus assensum atque Manerium de Lecdecumba quemadmodum ab illustri viro Stephano Anglorum Rege cum consuetudinibus et libertatibus illi pertinentibus et omnibus appendiciis suis de proprio Domino vobis devotionis intuitu concessum est et scripto suo firmatum pro centum videlicet marcis argenti quas Henricus bone memorie Anglorum Rex predecessor illius de thesauro suo annis singulis vobis concesserat auctoritate Apostolica vobis et per vos Cluniacensi Monasterio confirmamus et presentis scripti pagina communimus Si qua igitur in futurum Ecclesiastica secularisve persona hujus nostre confirmationis paginam sciens contra eam temere venire tentaverit secundo tertiove commonita si non satisfactione congrua emendaverit potestatis honorisque sui dignitate careat reamque se divino judicio existere de perpetrata iniquitate cognoscat et a sacratissimo Corpore ac Sanguine Dei ac Domini Redemptoris nostri Jesu Christi aliena fiat atque in extremo examine districte ultioni subjaceat Observantibus autem sit pax Domini nostri Jesu Christi quatinus et hic fructum bone actionis percipiant et apud districtum Judicem premia eterne pacis inveniant Amen Amen Amen Ego Lucius Catholice Ecclesie Episcopus Ego Theodevinus sancte Rufine Episcopus Ego Ramerius Presbyter Cardinalis tit sancte Prisce Ego Imarus Tusculanus Episcopus Ego Thomas Presbyter Cardinalis tit Vestine Ego Petrus Albanensis Episcopus Ego Gillebertus Presbyter Cardinalis tit sancti Marci Ego Manfredus Presbyter Cardinalis tit sancte Sabine Ego Ranerius Presbyter Cardinalis tit sancti Stephani in Celio monte Ego Aribertus Presbyter Cardinalis tit sancte Anastasie Ego Hugo Presbyter Cardinalis tit sancti Laurentii in Lucina Ego Octavianus Diaconus Cardinalis sancti Nicolai in carcere Tulliano Ego Guido in Romana Ecclesia altaris minister indignus Ego Rodulphus Diaconus Cardinalis sancte Lucie in sept sol Ego Gregorius Diaconus Cardinalis sancti Angeli Ego Astoldus Diaconus Cardinalis sancti Eustachii juxta templum Agrippe Ego Joannes Diaconus Cardinalis sancte Marie nove Datum Laterani per manum Baronis sancte Romane Ecclesie Subdiaconi XI Kalendas Junii indictione VII Incarnationis Dominice anno MCXLIV Pontificatus vero Domni Lucii II Pape anno primo