Charter Document - 02184078
| Charter Number: | 02184078 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1143 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
Humbertus Dei gratia Bisuntine sedis alumpnus et archiepiscopus Hugoni venerabili priori de Alta Petra suisque successoribus canonice promovendis geste rei noticiam in perpetuum Officii nobis commissi sollicitudo nos vigili cura pungit et ammonet omnibus christianis precipue tamen religiosis in veritate testimonii munimenta in posterum relinquere Ea propter quod factum est in presencia nostra literis sigillo impressis testificamur et futuris cognoscendum relinquimus Landricus siquidem archidiaconus de Varas de preterito excessu compuntus ad nos veniens recognovit quod ecclesiam de Domno Martino injuste et violenter monachis de Alta Petra austulisset et male habuisset et ob hoc predictam ecclesiam in manu nostra guerpivit et eam priori de Alta Petra suisque successoribus libere possidendam in perpetuum concessit Nos igitur ecclesiam quam diximus ecclesie de Alta Petra monachisque ibidem Deo famulantibus jure perpetuo tenendam concedimus et privilegii nostri testimonio sanctimus Si qua igitur ecclesiastica secularisve persona hujus constitucionis paginam sciens hanc ecclesiam videlicet de Domno Martino ecclesie de Alta Petra auferre temptaverit excommunicationi subjaceat et districti judicii sentenciam subeat Actum est in presencia nostra anno Dominice incarnacionis MCXLIII Testes sunt Taurelius archidiaconus de Salins Guillelmus de Arguel Stephanus de Focherens canonici Lambertus item canonicus Stephanus decanus de Vinnas Petrus Malignus de Nos Bernardus de Munihesaya Feliciter