Charter Document - 02184071
| Charter Number: | 02184071 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1142 |
| Date type: | Internal, A.D., Calendar, Papal |
| Resource Link(s): |
TELMA - Chartae Galliae CCE: cartae cluniacenses electronicae |
Charter:
Innocentius episcopus servus servorum Dei dilecto filio Petro Cluniacensi abbati ejusque fratribus tam presentibus quam futuris regulariter substituendis in perpetuum Ad hoc in apostolice sedis regimen disponente Deo promoti sumus ut piis votis assensum prebere auresque nostras inclinare justis petitionibus debeamus quia sicut injusta poscentibus nullus est tribuendus effectus ita legitima et justa postulantium non est differenda possessio Ea propter dilecti in Domino filii vestris justis postulationibus gratum impertientes assensum manerium de Ledecumba quemadmodum ab illustri viro Stephano Anglorum Rege cum consuetudinibus et libertatibus illi pertinentibus et omnibus suis appenditiis de proprio dominio suo vobis devotionis intuitu concessum est et scripto suo firmatum pro centum videlicet marcis argenti quas Henricus bone memorie Anglorum Rex predecessor illius de thesauro suo annis singulis persolvendis vobis concesserat auctoritate apostolica vobis et per vos Cluniacensi monasterio confirmamus et presentis scripti pagina communimus Si qua igitur in futurum ecclesiastica secularisve persona hujus nostre confirmationis paginam sciens contra eam temere venire temptaverit secundo tertiove commonita si non satisfactione congrua emendaverit potestatis honorisque sui dignitate careat reamque se divino judicio existere de perpetua iniquitate cognoscat et a sacratissimo corpore ac sanguine Dei et domini redemptoris nostri Jesu Christi aliena fiat atque in extremo examine districte ultioni subjaceat Observantibus autem sit pax Domini nostri Jesu Christi quatinus et hic fructum bone actionis percipiant et apud districtum judicem premia eterne pacis inveniant Amen Amen Amen Ego Innocentius catholice ecclesie episcopus Subscripsi Ego Conradus Sabinensis episcopus Subscripsi Ego Albericus Hostiensis episcopus Subscripsi Ego Martinus presbiter cardinalis tituli Sancti Stephani Subscripsi Ego Stancius presbiter cardinalis tituli Sancte Sabine Subscripsi Ego Otto diaconus cardinalis Sancti Georgii ad Velum Aureum Subscripsi Ego Guido diaconus cardinalis Sanctorum Cosme et Damiani Subscripsi Ego Guido presbiter cardinalis tituli Sancti Grisogoni Subscripsi Ego Gorzo presbiter cardinalis tituli Sancte Cecilie Subscripsi Ego Hubaldus presbiter cardinalis tituli Sanctorum Johannis et Pauli Subscripsi Ego Rainerius presbiter cardinalis tituli Sancte Prisce Subscripsi Ego Gerardus diaconus cardinalis Sancte Marie in Dominica Subscripsi Ego Octavianus diaconus cardinalis Sancti Nicolai in Carcere Subscripsi Ego Petrus diaconus cardinalis Sancte Marie in Porticu Subscripsi Datum in monte Tiburtino per manum Gerardi Sancte Romane ecclesie presbiteri cardinalis ac bibliothecarii xiiii kalendas Junii indictione v Incarnationis dominice anno MCXLII pontificatus vero domni Innocentii ii pape anno xiii