Charter Document - 02184066
| Charter Number: | 02184066 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1139 |
| Date type: | Internal, A.D., Calendar, Papal |
| Resource Link(s): |
CCE: cartae cluniacenses electronicae |
Charter:
Innocentius Episcopus servus servorum Dei Dilectio filio Pontio priori Romani Monasterii ejusque fratribus tam presentibus quam futuris in Domino salutem Sicut injusta poscentibus nullus est tribuendus assensus ita legitima desiderantium non est differenda petitio Proinde dilecte in Domino fili Ponti prior precibus et interuentione dilecti filii nostri Petri Cluniacensis Abbatis tuis postulationibus clementer annuimus et Romanum monasterium cui auctore Domino presides presentis privilegii pagina communimus statuentes ut quascumque possessiones quecunque bona idem monasterium in presentiarum juste et canonice possidet firma tibi tuisque successoribus et illibata permaneant In quibus hec propriis duximus exprimenda vocabulis In Archiepiscopatu Bisuntino Ecclesiam de Bannens et Capellam Sancte Columbe In episcopatu lausannensi Ecclesiam Betuaci cum appendentiis suis Ecclesiam de Luliaco cum appendentiis suis et capellam de hospitali de Urba et capellam de Gumoens et obedientiam de valle urbanensi cum capella Ecclesiam de Morlens cum capellis suis Barlens et Turquens Ecclesiam de Apples cum appendentiis suis In episcopatu Gebennensi Ecclesiam de Brucins cum capellis suis Brucines et Gemes Ecclesiam de Sancto Eugendo Preterea quecunque in futurum idem locus concessione pontificum largitione regum vel liberalitate principum sive oblatione fidelium seu aliis rationabilibus modis Deo propitio poterit adipisci firma tibi et inconvulsa stabilitate tuisque successoribus nichilominus confirmamus Decernimus quod ut nullus omnino hominum audeat prefatum cenobium super hac nostra concessione atque confirmatione temere pertubare aut eius possessiones auferre vel ablatas retinere minuere sed omnia omnino integre conserventur eorum pro quorum gubernatione ac sustentatione concessa sunt omnimodis usibus profutura Si qua sane in posterum ecclesiastica secularisve persona hujus nostre constitutionis paginam sciens contra eam temere venire temptaverit secundo tertiove commonita si non congrua emendatione satisfecerit potestatis honorisque sui dignitate careat reamque se divino juditio existere de perpetrata iniquitate cognoscat et a sacratissimo corpore ac sanguine Dei et Domini redemptoris nostri Jhesu Christi aliena fiat et in ultimo examine districte ultioni subjaceat Cunctis autem eidem loco sua jura servantibus sit pax Domini nostri Jhesu Christi quatenus hic fructus bone actionis percipiant et in futuro premia eterne pacis acquirant Amen Amen Amen Ego Innocentius catholice ecclesie Episcopus subscripsi Ego Conradus Sabinensis Episcopus Ss Ego Theodewinus sancte Rufine Episcopus Ss Ego Albericus hostiensis episcopus Ss Ego Berardus presbyter Cardinalis sancte crucis in Jerosolyma Ss Ego Gregorius diaconus cardinalis sanctorum Sergii et Bachi Ss Ego Olto diaconus cardinalis sancti Georgii ad velum aureum Ss Ego Lucas presbyter cardinalis duorum sanctorum Johannis et Pauli Ss Ego Martinus presbyter cardinalis sancti Stefani in Celio monte Ss Ego Ju presbyter cardinalis sancti Laurentii damali Ss Ego Boetius presbyter cardinalis sancti Clementis Ss Ego Brisagonus presbyter cardinalis sancte Praxedis Ss Ego Hubaldus diaconus cardinalis sancte Marie inviolate Ss Ego Gregorius diaconus cardinalis sancti Angelici Ss Ego Gerardus diaconus cardinalis sancte Marie in dominica Ss Ego Octavianus diaconus cardinalis sancti Nicolai in carcere Ss Datum Latii per manum Aimerici sancte romane ecclesie diaconi cardinalis et cancellarii secundo Kalendas maii dominice incarnationis anno millesimo centesimo trigesimo nono Indictione secunda pontificatus domini Innocentis Pape secundi anno decimo