Charter Document - 02184065

Innocentius Episcopus servus servorum Dei dilecto filio Petro Abbati Clun ejusque successoribus regulariter substituendis in perpetuum Quos omnipotens Dominus ampliori honestate ac Religionis nitore facit esse conspicuos a sede Apostolica convenit plurimum honorari et opportunis amminiculis confoveri Quocirca dilecte in Domino fili Petre Abbas personam tuam paternis affectibus amplexantes donationem ab illustri viro Guillelmo Montis Pessulani in manu devotionis intuitu factam et per nos Monasterio tradendam Cluniacensi tibi tuisque successoribus confirmamus et Cluniacensi Monasterio ratam et inconvulsam perpetuo manere decernimus Statuentes ut in eodem loco Oratorium et Cemiterium construatur in quo si qu[] persone undecumque venientes sepeliri deliberaverint nullius prohibeantur obstaculo nisi forte vinculo excommunicationis fuerint innodate salvo nimirum jure matricis Ecclesie Adjicimus etiam ut si quid fratribus in eodem loco Deo servientibus concessione Pontificum largitione Principum oblatione fidelium seu aliis justis modis Deo propitio imposterum datum fuerit tam tibi quam ipsis fratribus presentibus vel futuris firma et inviolabilia serventur Simili quoque modo Monasterium S Gervasii de Fos quod quidem aliquando Prioratus Cluniacensis Cenobii extitit nunc autem in Abbatiam per quorumdam insolentiam est translatum in Prioratus statum et ordinem revocetur et perpetuis temporibus cum omnibus suis pertinentiis sub ejusdem Monasterii ditione ac dispositione consistat Vt autem sacrum Clun Cenobium semper de bono in melius suscipiat incrementum Monasterium sanctorum Domitiani et Ragneberti sub jure et dispositione tua et successorum tuorum perpetuo manere sancimus quemadmodum a Venerabili fratre nostro Petro Lugdunensi Archiepiscopo Apostolice Sedis Legato noscitur institutum et suo scripto atque Sigillo firmatum Nulli ergo hominum fas sit idem Cluniacense Cenobium super hac nostra concessione ac confirmatione temerario ausu perturbare aut ejus possessiones auferre vel ablatas retinere aut minuere sed omnia integra conserventur eorum pro quorum sustentatione ac gubernatione concessa sunt omnimodis usibus profutura Si qua sane imposterum Ecclesiastica secularisve persona hanc nostre constitutionis paginam sciens contra eam temere venire tentaverit secundo tertiove commonita si non congrue satisfecerit potestatis honorisque sui dignitate careat reamque se divino judicio existere de perpetrata iniquitare cognoscat et a sacratissimo corpore ac sanguine Dei et Domini Redemptoris nostri Jesu Christi aliena fiat Cunctis autem eidem loco sua jura servantibus sit pax Domini nostri Jesu Christi quatenus et hic fructum bone actionis percipiant et in futuro premia eterne pacis acquirant Amen Ego Innocentius Catholice Ecclesie Episcopus Ego Gregorius Diaconus Card SS Sergii et Bachi Ego Geraldus Presbyter Card tit S Crucis in Hierusalem Ego Theodewinus sancte Rufine Episcopus Ego Anselmus Presbyter Card tit S Lautentii in Lucina Ego Albericus Hostiensis Episcopus Ego Luitfredus Presbyter Card tit Vestine Ego Lucas Presbyter Card tit SS Joannis et Pauli Ego Martinus Presbyter Card tit S Stephani Datum Laterani per manum Aimerici S R Ecclesie Diaconi Card et Cancellarii IV Kalend Maii Indictione II Dominice Incarn anno MCXXXIX Pontificatus Domini Innocentii Pape secundi anno X