Charter Document - 02184061
| Charter Number: | 02184061 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Concession |
| Date: | 1138 - 1139 |
| Date type: | Internal, A.D. |
| Resource Link(s): |
CCE: cartae cluniacenses electronicae |
Charter:
In nomine Patris et Filij et Spiritus sancti Amen Gvarinvs Dei gratia Ambianensis humilis Episcopus sancte Ecclesie filiis presentibus et futuris feliciter niti ad brauium superne vocationis Sciat caritas et dilectio vestra quoniam Bernardus de Ballolio miles strenuus consiliis divinis et hortatibus nostris et religiosorum virorum sapienter acquiescens et animabus predecessorum suorum et proprie saluti et successorum suorum prouide consulens quedam Altaria ad ipsum et eius antecessores hereditario iure pertinentia que licet iniuste utpote laicus ad periculum anime sue diu ipse tenuerit Monasterio Cluniacensi Dei tactus aspiratione concessit Huic autem concessioni fratres eius et uxor sua Mathildis et filij eius Ingelrannus et Wido Eustachius et Bernardus et filia sua Hatuildis interfuerunt et ob remedium animarum suarum assensum libentissime prebuerunt eademque Altaria in manibus nostris reddentes libere et quiete spontanei dimiserunt Nos autem Cluniacensis Monasterij religionem considerantes in presentia Archidiaconorum nostrorum Radulphi videlicet et Balduini et Clericorum Achardi et Valteri Sacerdotum nostrorum et aliorum multorum tam Clericorum quam laicorum religiosorum et multorum hominum suorum eadem Altaria donauimus saluis Ecclesie Ambianensis nostrisque et successorum nostrorum et ministrorum sicut ipsa Altaria ab antiquo persoluerant consuetudinibus et Episcopali auctoritate in perpetuum confirmamus Ita scilicet ut Monachi qui in Ecclesia de domno Petro Deo seruirent Cluniacensi Capitulo Marcham vnam argenti singulis annis persoluant et sic ipsorum omnes Altarium redditus in usus sue Ecclesie et in expensas suas libere et quiete possidendo retineant Ecclesiam scilicet de domno Petro Altare de Ballolio Altare de Turs Altare de Ardicuria Altare de Ramburellis Altare de Alenai Actum hoc anno Dominice Incarnationis MCXXXVIII Indictione ii feliciter Amen