Charter Document - 02184043
| Charter Number: | 02184043 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1133 |
| Date type: | Internal, A.D., Episcopal |
| Resource Link(s): |
CCE: cartae cluniacenses electronicae |
Charter:
In nomine sancte et indiuidue Trinitatis Diligens precedentium Patrum prouidentia et studiosa nihilominus sagacis prouidentie eorum solertia alumna pacis amica concordie presentium futurorumque consulens utilitati hoc instituit hoc previdit hoc inspirante Deo decrevit ut quoties aliquid precipuum agitur vel Deo seruientibus memoria dignum confertur beneficium literarum testimonio et scriptorum priuilegio roboretur quod memorie tenacius commendetur Cuius constitutionis doctrinam diuinitus editam Ego Frater Petrus Abbas Cluniacensis subsequens actionem illam salutiferam inter piissimum Regem Francorum Ludouicum et eius uxorem Adelaidam Reginam eorumque filios ac Priorem sancti Martini de Campis domnum Theobaldum et Conuentum solemniter peractam de Ecclesia videlicet Montismartyrum et de Ecclesia sancti Dionysij de Carcere approbo et concedo utque nostris temporibus et futuris firmior habeatur inuiolabiliter teneatur rata conseruetur indissolubili scripto presenti confirmo Sunt autem hec que ego et Conuentus concessimus Ecclesia videlicet libera eo dumtaxat modo quo monachi nostri tenuerant et decima ad eandem Ecclesiam pertinens cum vineis et terra arabili cum uno hospite apud Darentiacum ceterisque appenditiis que ibidem Deo seruientes possederant Addimus preterea Ecclesiam de sancto Martyrio cum vineis Adam et Morelli culturam culturam etiam quam domnus Mattheus Prior comparauit a Warnerio de portu Actum Parisiis apud sanctum Martinum de Campis Anno ab Incarnatione Domini MCLV Indictione xiiii residente in Apostolica Sede Pape Innocentio Ludouico Rege Francorum et domni Petri Cluniacensis Abbatis anno duodecimo