Charter Document - 02184040
| Charter Number: | 02184040 |
|---|---|
| Cartulary Title: | Recueil des Chartes de l'Abbaye de Cluny |
| Charter Language: | Latin |
| Charter Origin: | Papal |
| Charter Type(s): | Mandate |
| Date: | 1133 |
| Date type: | Assigned |
| Resource Link(s): |
CCE: cartae cluniacenses electronicae |
Charter:
Innocentius episcopus servus servorum Dei dilectis filiis Petro abbati et fratribus Cluniacensibus salutem et apostolicam benedictionem Protexit nos Deus a conventu malignantium et a multitudine operantium iniquitatem Olim namque debacchante Judaica rabie divine virtutis dextera de profunditate sui consilii nos et fratres nostros ad sua reservatos obsequia de Urbe sub protectione sue miserationis eduxit Modo vero in faciem sue respexit ecclesie atque nos sanos et incolumes ad sedem propriam revocavit Dignum est igitur quatenus pro tantis nobis collatis a subereo numine beneficiis nobiscum pariter gratulemini et divine majestati grates debitas referatis illud omnimodis exorantes ut causam ecclesie nunc usque in suo patrocinio sustentatam magis ac magis attollat et bonis principiis exitus meliores adhibeat Credimus enim quod preces vestre majorem efficaciam apud Deum obtineant quam secularis potentia quorumlibet amatorum Nos autem in urbe cum charissimo filio nostro Romanorum rege Lothario constituti super sollicitudine ac studio quod super sanctam Romanam Ecclesiam geritis devotioni vestre multimodas gratias exhibemus et que ad liberationem Ecclesie pertinent Deo gratias salubriter operamur Data Laterani X Kal Junii