Charter Document - 02184024

Ego Petrus diaconus cardinalis et sancte Romane ecclesie legatus assidentibus nobis archiepiscopo Bituricensi et episcopis Autisiodorensi et Nivernensi et abbatibus Virziliacensi et Autisiodorensi et magistro Giliberto et multis aliis viris prudentibus et discretis inter episcopum Claromontanum et monachos Cluniacenses audita Cluniacensium querela et allegatione et alterius partis responsione in hunc modum sententiam dedimus Si monachi predicti diffinitionem quam allegaverunt esse factam inter se et episcopum Claromontanum ab Engolismensi legato tribus vel duobus testibus vel scripto legitimo vel ore judicum probare potuerint quicquid in illa diffinitione continetur firmum et stabile esse confirmamus Si predicti monachi tribus vel duobus legitimis testibus probare potuerint se habuisse possessionem de ecclesia de Vermaceo et de Sandriaco fiat eis integra restitutio scilicet cum omnibus fructibus amissis salvo utriusque partis jure proprietatis Si episcopus monstrare poterit litteras pape quibus ei injunctum esset monasterium pro Cestelen in loco illo construere in quo Cluniacenses calumniantur esse constructum litteris domini pape non prejudicamus nec juri Cluniacensium aliquid detrahimus videlicet ut si apud papam probare voluerint in suo allodio factum esse monasterium nostra diffinitione non impediantur Si episcopus similiter monstrare poterit sanctimoniales de Fonte Ebraudi habere privilegium ut ubicumque terram acquisierint ibi oratorium faciendi licentiam habeant et cimiterium privatum sibi tantum et suis famulis habeant contra privilegium nihil fieri jubemus nec occasione privilegii sanctimonialibus invadendi aliena bona licentiam concedimus nec monachos aliquid damni pati volumus Si monachi predicti tribus vel duobus testibus probare potuerint quod postquam habuerunt parrochiam de Bilziaco capella in illa parrochia facta fuerit capella monachis tradatur salvo proprietatis utriusque partis jure Ut hec autem diffinitio firma permaneat sigilli nostri impressione eam firmamus