Charter Document - 02184023

Ego Aymericus Dei gracia Arvernorum episcopus notum facio omnibus tam presentibus quam futuris graves et diuturnas discordias que inter me et abbatem Cluniacensem domnum Pe[trum] ac canonicos Claromontenses et monachos Cluniacenses propter quasdam ecclesias olim fuerant taliter Deo auxiliante extinctas fuisse Nam Claromonti in festo beati Mathei apostoli tam nos quam predictus abbas Pe[trus] et multi priorum et fratrum Cluniacensium convenientes presente et laudante toto capitulo nostro omnes ecclesias illas vel partes ecclesiarum de quibus adversus eos questi fueramus eis perpetuo possidendas concessimus quarum hec sunt nomina ecclesia Sancti Pardulfi capella de Turre ecclesia de Plaudiaco ecclesia de Vivarols que ad Celsinanias pertinent ecclesia de Arfolio que ad Castellum de Montibus pertinet ecclesia de Oratorio ecclesia Sancti Martini que ad Sanctum Florum pertinent ecclesia de Lastic que ad Voltam pertinet ecclesia Sancti Boniti Preterea ecclesias de quibus tam nos quam canonici Claromontenses querebantur videlicet illam de Bilsach illam de Charmes illam de Godoniach illam de Sancto Desiderio illam de Sancto Ylario eis concessimus ea conditione ut annuatim XXX solidos sicut et ab antecessoribus nostris constitutum fuerat quinque iste ecclesie canonicis Claromontensibus persolvant illam quoque de Vethina quam similiter canonici querebant eis concessimus Concessimus etiam omnes illas ecclesias vel partes ecclesiarum de quibus ipsi adversum nos querebantur vel se a nobis vel ab antecessoribus nostris spoliatos nosque investitos causabantur quarum hec sunt nomina ecclesia de Sendriaco in ecclesia Sancti Johannis IIII solidi in ecclesia de Barh quarta pars item in ecclesia de Linirols quarta pars medietas de ecclesia de Olonziaco que omnia ad Silviniacum pertinent in ecclesia vero de Continiaco et in ecclesia de Tresail quas similiter Silviniacenses querebant quicquid juris ego vel canonici Claromontenses habebant eis concessimus querimoniis Trinorchiensium monachorum sive aliorum quorumlibet exceptis ut si aliquid in his duabus se jure habere dixerint presentibus Silviniacensibus fratribus judicio nostro eorum querimonie diffiniantur ecclesiam insuper de Calidis Aquis de qua prior Sancti Flori ecclesiam de Perucha ecclesiam de Chrosantia de quibus prior de Volta ecclesiam de Manniaco de qua prior de Langiaco ecclesiam de Montibus et ecclesiam de Altaripa de quibus fratres Celsinienses querebantur eis pari modo concessimus Preter hec autem ecclesiam Sancti Christofori et ecclesiam de Ysarpa in quibus fratres Cluniacenses nichil umquam habuerant neque aliquid requirebant eis dedimus Concessimus quoque indifferenter omnia illa de quibus tempore Claromontensis concilii quod per domnum papam Urbanum secundum celebratum est investiti erant Confirmavimus insuper omnia illa que dono vel concessione nostra vel antecessorum nostrorum aliquando adquisierunt Super hec autem omnes illas ecclesias vel partes ecclesiarum seu omnia ecclesiastica quolibet modo adquisita de quibus die vel anno quo hec concordia facta est jam dicti fratres Cluniacenses investiti erant ut in perpetua pace possideant concessimus laudavimus et confirmavimus Adjecimus etiam ut ecclesiarum in quibus se partem aliquam habuisse aut habere vel dono aut concessione Claromontensium episcoporum aut investitione supradicti Claromontensis concilii probare potuerint reliquas partes ipsarum ecclesiarum vel ecclesiasticarum rerum libere ab illis quorum fuerint adquirere et canonice justeque possidere etiam absque episcopi tunc concessione possint Ne enim deinceps impetenda ab aliquo subsequentium episcoporum hujusce rei concessione fatigari debeant nos benigne eorum paci providentes hoc nunc eis concessimus Illarum vero ecclesiarum partes quas se habuisse vel habere nec concessione alicujus Claromontensis episcopi nec investitione jam dicti concilii Claromontensis probare poterint habeant quidem et possideant si die vel anno quo hec concordia inter nos et ipsos facta est quolibet modo investiti erant reliquas tamen partes etiam si illorum quorum fuerint dono adquirere potuerint sine episcopi Claromontensis concessione suscipere non presumant Aliarum sane ecclesiarum in quibus penitus nichil habent decimas exceptis feudis presbiteralibus ab illis quorum fuerint absque episcopi concessione adquirere eis licebit Hec omnia nos eis ipsi autem nobis ecclesiam de Sancto Lupo cum omnibus ad eam pertinentibus dederunt Acta sunt hec anno incarnationis Dominice millesimo centesimo XXXI anno secundo pontificatus domini pape Innocentii II regnante rege Francorum Lodovico in die festivitatis sancti Mathei apostoli me et omnibus canonicis Claromontensibus predicto quoque domno Petro abbate Cluniacensi et multis fratrum Cluniacensium presentibus et laudantibus quorum quosdam hic subnotamus De canonicis prepositus Claromontensis Petrus de Chamelere decanus Petrus Guidonis Hildinus decanus de Portu Rogerius abbas Sancti Genesii Petrus Fulcherii archidiaconus Guillelmus archidiaconus Rodulfus Claromontensis archipresbiter Giraldus de Plantatis Willelmus archipresbiter De monachis autem domnus Adalelmus prior Cluniacensis Humbertus prior Celsiniensis Stephanus prior Sancti Flori Hildinus prior de Volta Eustachius prior de Rivis Petrus prior de Amberta Petrus prior de Boort Hugo prior de Nigro Stabulo In omnibus vero supradictis ecclesiis sinodos et paratas episcopales nobis et successoribus nostris retinemus et in ecclesia de Barh V solidos et in illa de Ferreriis decem